უკრაინა 29 სექტემბერს დაშავებულებზე იუწყება გასულ ღამით რუსეთის მხრიდან უკრაინის რამდენიმე რეგიონზე დრონებით განხორციელებული შეტევის შედეგად, რუსეთის თავდაცვის წარმომადგენლები კი აცხადებენ, რომ ჩამოაგდეს უკრაინის 125 დრონი - იმ ფონზე, როცა კიევი ცდილობს ორწლინახევრის განმავლობაში მიმდინარე ომი რუსეთის ტერიტორიაზეც გადავიდეს. რუსეთის ბელგოროდის რეგიონის გუბერნატორი იუწყება, რომ ერთი კაცი დაიღუპა ქალაქ შებეკინოში, უკრაინის საზღვართან, რუსეთის თავდაცვის სამინისტრო კი გამოთქვამს ვარაუდს, რომ უკრაინის შეტევები უფრო და უფრო მეტად კონცენტრირდება ვოლგოგრადის რეგიონზე. ეს რეგიონი მდებარეობს აღმოსავლეთით კურსკის რეგიონიდან, სადაც უკრაინის ძალები მოულოდნელად შეიჭრნენ ივლისში. უკრაინის არმია აცხადებს, რომ მისმა საჰაერო თავდაცვამ ჩამოაგდო რუსეთის 22 დრონიდან 15, სულ მცირე ოთხი რეგიონის თავზე, ხოლო კიდევ ხუთი დრონის გაუვნებელყოფა მოხდა სხვა "კონტრზომებით". უკრაინის გენერალური შტაბის განცხადებით, ბოლო 24 საათის განმავლობაში მომხდარი 165 შეტაკებიდან დაახლოებით მეოთხედი შედგა პოკროვსკის გარშემო - სტრატეგიული ფრონტისპირა ქალაქის უკრაინის დონეცკის რეგიონში, სადაც, გავრცელებული ცნობებით, რუსეთი ბოლო თვეებში წინ მიიწევს. ასევე ნახეთ კიევში აცხადებენ, რომ რუსეთის სიღრმეში დარტყმის ნებართვის შესახებ პირველები რუსები შეიტყობენ ...