ისრაელის არმიამ ღამით გააგრძელა დარტყმები ლიბანის სამხრეთში, ჰეზბოლას ობიექტებზე - არმიის ცნობით, იერიშები განხორციელდა ათობით სამიზნეზე, მათ შორის სარაკეტო მოწყობილობებზე და საბრძოლო მასალების საწყობებზე. ჰეზბოლას შეერთებული შტატები ტერორისტულ ორგანიზაციად მიიჩნევს, ევროკავშირს მხოლოდ მისი შეიარაღებული დაჯგუფება ჰყავს შეყვანილი შავ სიაში. ჰეზბოლა გასამხედროებული ჯგუფი და პოლიტიკური პარტიაა, რომელიც სამხრეთ ლიბანის დიდ ნაწილს აკონტროლებს. ორგანიზაციის ვეტერანი ლიდერი, ჰასან ნასრალა მოკლულ იქნა 27 სექტემბერს, ისრაელის მიერ ბეირუთზე მიტანილი შეტევის შედეგად. ისრაელის სამხედროთა განცხადებით, დარტყმების შედეგად მოკლულ იქნა ჯგუფის კიდევ ერთი მეთაური, აღმასრულებელი საბჭოს დირექტორის მოადგილე ნაბილ კაუკი. ლიბანის მედია იუწყება დაღუპულებზე ისრაელის დარტყმების შედეგად, თუმცა მათ რაოდენობას ჯერ არ აკონკრეტებს. კვირას, დილით, ლიბანის მხრიდან ისრაელის ტერიტორიაზე გაუშვეს სულ მცირე რვა რაკეტა, რომლებიც დაუსახლებელ ადგილზე დაეცა, დაშავებულები არ არიან. ისრაელის არმიას არ გაუვრცელებია ცნობა ლიბანის სამხრეთში სახმელეთო ოპერაციის შესაძლო დაწყებაზე, თუმცა წყაროები ამგვარ შესაძლებლობას არ გამორიცხავენ. ასევე ნახეთ ანალიტიკოსები: ნასრალას სიკვდილი დიდი დანაკარგია ჰეზბოლასთვის და ირანისთვის ...