ავსტრიის პარტიების ლიდერები გაერთიანდნენ იმ იდეის უარსაყოფად, რომ შესაძლებელია კოალიციის შექმნა ულტრამემარჯვენე პარტია "თავისუფლებასთან" (FPO), რომლის ლიდერია ჰერბერტ კიკლი - FPO, როგორც ჩანს, 29 სექტემბრის არჩევნების შედეგებით პირველ ადგილზე გავიდა. კომპანია Foresight-ის მიერ სამაუწყებლო კომპანია ORF-სთვის ჩატარებული გამოკითხვის წინასწარი შედეგებით, პარტია "თავისუფლებას" ერგო ხმების 28,9 პროცენტი, ხოლო კონსერვატიულ სახალხო პარტიას (OVP) - 26,3 პროცენტი. ეს მონაცემი ეფუძნება ბიულეტენების 83 პროცენტს. FPO-ს კოალიციის შექმნა დასჭირდება ერთ ან ორ პარტიასთან, რათა საპარლამენტო უმრავლესობა ჰქონდეს და სტაბილური მთავრობა შექმნას - მაგრამ კენჭისყრის შემდეგ პარტიებმა გამართეს კონსულტაცია, რომელზეც ამგვარი კოალიციის შექმნის სურვილი არცერთ პოტენციურ პარტნიორს არ გამოუხატავს. ასევე ნახეთ არჩევნების წინასწარი მონაცემებით, ავსტრიაში ულტრამემარჯვენე პარტია "თავისუფლება" უსწრებს მმართველ კონსერვატორებს ...