თბილისში, პარტიის ოფისში გამართულ ბრიფინგზე გიორგი გახარია გამოეხმაურა საქართველოს ტერიტორიული მთლიანობის საკითხზე „ქართული ოცნების“ საპატიო თავმჯდომარის, ბიძინა ივანიშვილის განცხადებას. პარტია „გახარია საქართველოსთვის“ ლიდერი მიიჩნევს, რომ საქართველოს თითოეული მოქალაქისთვის ტერიტორიული მთლიანობის აღდგენა არის ყველაზე დიდი ამოცანა, რა თქმა უნდა, მშვიდობიანად. გახარიას აზრით, „დაუშვებელია მსგავსი საკითხების არჩევნებამდე რამდენიმე კვირით ადრე კულუარულად, ბნელ ოთახში დალაგება, საქართველოს მოქალაქისთვის არანაირი ინფორმაციის მიწოდება“. გიორგი გახარიას თქმით, ივანიშვილს ეშინია და გაურბის დებატებს, ამიტომ, მას მოუწოდებს, 15 ოქტომბერს ზუგდიდში დაგეგმილ შეხვედრაზე მოქალაქეებს სამ შეკითხვაზე უპასუხოს: რა ფორმით და რა პირობით ფიქრობს საქართველოს ტერიტორიული მთლიანობის აღდგენას, მაშინ როცა არც რუსეთის ფედერაცია და არც ოკუპირებული აფხაზეთისა და ცხინვალის რეგიონის მარიონეტული რეჟიმების პოზიცია არ შეცვლილა ამ რეგიონების ე.წ. დამოუკიდებლიბის უკან გაწვევისა და საოკუპაციო ჯარების საქართველოს ტერიტორიიდან გაყვანის შესახებ? რა ტიპის სახელმწიფო მოწყობისთვის და რა ტიპის საკონსტიტუციო ცვლილებებისთვის ითხოვს საკონსტიტუციო უმრავლესობას? დასავლეთთან დაპირისპირების და როგორც შედეგის, საქართველოს იზოლაციის, ასევე, დღევანდელი ხელისუფლების შეცვლილი პოზიციის და ომის დაწყების საკუთარ ქვეყანაზე დაბრალების პირობებში, ემუქრება თუ არა საფრთხე არაღიარების პოლიტიკას და როგორ აპირებს ივანიშვილი არაღიარების პოლიტიკის დაცვას? გახარიას შეფასებით, „მხოლოდ ამ კითხვებზე საჯაროდ პასუხის გაცემის პირობებში შეუძლია ივანიშვილს და აქვს მორალური უფლება ისაუბროს მშვიდობასა და ქვეყნის გამთლიანებაზე. წინააღმდეგ შემთხვევაში, ნებისმიერი საუბრები წინასაარჩევნოდ იქნება შეფასებული, როგორც მორიგი ტყუილის მცდელობა და რაც ყველაზე დიდი საფრთხეა, საქართველოს ტორიტორიული მთლიანობის აღდგენის პერსპექტივის საბოლოოდ განადგურების კუთხით“. ასევე ნახეთ პუტინმა „აფხაზეთს გამარჯვებისა და დამოუკიდებლობის დღე“ მიულოცა ასევე ნახეთ ლავროვის განცხადების პოზიტიურად შეფასების შემდეგ აფხაზეთის ე.წ. საგარეო უწყებამ კალაძეს უპასუხა 2024 წლის 14 სექტემბერს, გორში სიტყვით გამოსვლისას, საქართველოს მმართველი პარტიის საპატიო თავმჯდომარე ბიძინა ივანიშვილმა განაცხადა, რომ 26 ოქტომბრის არჩევნების დასრულებისთანავე, „როდესაც ომის გამჩაღებლები გასამართლდებიან, როდესაც უკლებლივ ყველა დამნაშავე ქართულ-ოსური ძმობისა და თანაცხოვრების დანგრევისთვის უმკაცრეს სამართლებრივ პასუხს მიიღებს, საზოგადოება გამოძებნის ძალას, რათა ბოდიში მოიხადოს იმის გამო, რომ დავალების შესაბამისად, მოღალატე „ნაციონალურმა მოძრაობ...