Reuters-ი 3 ოქტომბერს ავრცელებს ცნობას, რომელიც ეყრდნობა ისრაელის არმიის განცხადებას იმის შესახებ, რომ პალესტინელთა ტერიტორიაზე “გაანადგურეს” ღაზის სექტორის მთავრობის ხელმძღვანელი რაუჰი მუშტაჰა. ღაზის სექტორს, რომელიც პალესტინელთა ავტონომიის ნაწილია, მართავს ჰამასი, რომელიც აშშ-სა და ევროკავშირს ტერორისტულ ორგანიზაციად ჰყავთ გამოცხადებული. ამავე ცნობით, მოკლეს ასევე უშიშროების სამსახურის მაღალი რანგის წარმომადგენლები, სამეჰა ალ-სირაჯა და სამი უდეხა. Reuters-ი იტყობინება, რომ ისრაელის არმიის განცხადება ეხება სამი თვის წინ განხორციელებულ თავდასხმებს. Reuters-ს 3 ოქტომბერს მოჰყავს ღაზის ჯანდაცვის უწყების მონაცემები, რომელთა თანახმად, შარშან 7 ოქტომბრის შემდეგ, ღაზის ტერიტორიაზე ისრაელის არმიის თავდასხმების შედეგად მოკლულია 41 788, ხოლო დაჭრილია 96 794 პალესტინელი. 2023 წლის 7 ოქტომბერს ჰამასი თავს დაესხა ისრაელის სამხრეთს, სადაც 120 პირი დაიღუპა და 250-მდე მძევლად აიყვანეს. ასევე ნახეთ გაეროს რეზოლუცია ისრაელისგან მოითხოვს, 12 თვეში გავიდეს „პალესტინის ტერიტორიებიდან“ ...