საქართველოში ბრიტანეთის ელჩმა გარეტ უორდმა განცხადება გამოაქვეყნა „ქართული ოცნების“ საპარლამენტო უმრავლესობის მიერ მიღებული, ლგბტ უფლებების შემზღუდავი „ოჯახური ღირებულებებისა და არასრულწლოვანის დაცვის შესახებ“ საკანონმდებლო პაკეტის შესახებ. ელჩის შეფასებით, ის ხელს შეუწყობს ისედაც მოწყვლადი ჯგუფების მიმართ კიდევ უფრო მეტ დისკრიმინაციას და მარგინალიზაციას. „ვწუხვართ, რომ ხელი მოეწერა ოჯახური ღირებულებებისა და არასრულწლოვანთა დაცვის შესახებ კანონთა პაკეტს. ეს კანონთა პაკეტი ძირს უთხრის ადამიანის ფუნდამენტურ უფლებებს, მათ შორის გამოხატვისა და შეკრების თავისუფლებას და რისკის შემცველია ყველა საქართველოს მოქალაქისთვის. ის ხელს შეუწყობს ისედაც მოწყვლადი ჯგუფების მიმართ კიდევ უფრო მეტ დისკრიმინაციას და მარგინალიზაციას. შეშფოთებულები ვართ, რომ კანონთა პაკეტი მიღებულ იქნა ასეთ მოკლე დროში“, - ვკითხულობთ ელჩის განცხადებაში, რომელიც ფეისბუკში, ბრიტანეთის საელჩოს ოფიციალურ გვერდზე, გამოქვეყნდა. გარეტ უორდმა დაასახელა საქართველოს პარლამენტის მიერ მიღებული ორი კანონი, რომლებიც, მისი განცხადებით, ეჭვქვეშ აყენებენ ბრიტანეთსა და საქართველოს შორის მრავალწლიან ურთიერთობას. „კიდევ ერთხელ მოვუწოდებთ საქართველოს ხელისუფლებას გადახედოს „ოჯახური ღირებულებებისა და არასრულწლოვანთა დაცვის შესახებ“ კანონთა პაკეტს, რომელიც „უცხოური გავლენის გამჭვირვალობის შესახებ“ კანონთან ერთად, ზღუდავს როგორც სამოქალაქო საზოგადოებას, ისე ცალკეულ საქართველოს მოქალაქეების უფლებებს და ეჭვქვეშ აყენებს ბრიტანეთსა და საქართველოს შორის მრავალწლიან ურთიერთობას”, - წერია ბრიტანეთის ელჩის განცხადებაში. ასევე ნახეთ „დემოკრატია ძალისხმევას მოითხოვს. იმედია, ამას ვიხილავთ საქართველოშიც“ - ბრიტანეთის ელჩი არჩევნებსა და პოლიტიკურ პროცესებზე "საკანონმდებლო მაცნეში" უკვე გამოქვეყნდა "ოჯახური ღირებულებებისა და არასრულწლოვანის დაცვის შესახებ“ კანონი და მასთან ერთად მიღებული საკანონმდებლო პაკეტი, რომლებსაც 3 ოქტომბერს საქართველოს პარლამენტის თავმჯდომარემ შალვა პაპუაშვილმა მოაწერა ხელი. კანონის ბოლო მუხლის თანახმად, ის გამოქვეყნებიდან მე-60 დღეს ამოქმედდება. ასევე ნახეთ „სტიგმა კლავს“ - გაეროს აივ/შიდსის პროგრამა საქართველოს ხელისუფლებას ლგბტ უფლებების შემზღუდავი კანონის გაუქმებისკენ მოუწოდებს საქართველოს პრეზიდენტმა სალომე ზურაბიშვილმა დოკუმენტს ხელი არ მოაწერა, თუმცა არც ვეტოს უფლებამოსილება არ გამოუყენებია. ასევე ნახეთ პრეზიდენტმა ლგბტ უფლებების შემზღუდავ კანონპროექტს ხელი არ მოაწერა ასევე ნახეთ პარლამენტმა ლგბტ უფლებების შემზღუდავი კანონპროექტი მესამე, საბოლოო მოსმენით მიიღო „ოჯახური ღირებულებებისა და არასრულწლოვანის...