Reuters-ით თანახმად, რეისები გადაიდო „საექსპლუატაციო შეზღუდვების“ გამო. მასმედია ცნობას უწყების პრესმდივნის ნათქვამზე დაყრდნობით ავრცელებს და არ აზუსტებს, რა იგულისხმება კონკრეტულად. ირანმა ფრენები შეზღუდა 3 ოქტომბერს. მას შემდეგ, რაც ირანმა რაკეტები გაუშვა ისრაელის სამიზნეების მიმართულებით, ისრაელი საპასუხო დარტყმებით ემუქრება თეირანს, რომლის მედია 6 ოქტომბერს იტყობინებოდა, რომ ისრაელს მომზადებული აქვს შესაძლო თავდასხმის საპასუხო გეგმა. ირანმა სარაკეტო იერიში განახორციელა ისრაელზე 1 ოქტომბერს. ეს იყო ირანის ისტორიაში ისრაელზე მეორე პირდაპირი შეტევა, რომელიც, როგორც თეირანმა განაცხადა, განხორციელდა იმის საპასუხოდ, რომ ისრაელის საჰაერო თავდასხმების შედეგად ბეირუთში დაიღუპნენ ჰეზბოლას (აშშ-ში ტერორისტულად გამოცხადებული ამ დაჯგუფების მხოლოდ სამხედრო ფრთაა შეყვანილი ევროკავშირის "შავ სიაში") მეთაური ჰასან ნასრალა და ისლამური რევოლუციის გუშაგთა კორპუსის უფროსი გენერალი აბას ნილფორუშანი. ეს იყო ასევე შურისძიება პალესტინური დაჯგუფება ჰამასის (აშშ-სა და ევროკავშირში მიჩნეულია ტერორისტულ დაჯგუფებად) პოლიტიკური ხელმძღვანელის, ისმაილ ჰანიეს მკვლელობისთვის თეირანში, 31 ივლისს მასზე თავდასხმის შედეგად, რაშიც ბევრი ისრაელს ადანაშაულებს. ასევე ნახეთ მედიის ცნობით, ირანმა მოამზადა ისრაელის ნებისმიერ თავდასხმაზე საპასუხო გეგმა ...