ამ 121 მილიონში შედის ის თანხაც, რომელიც გასული ორი წლის განმავლობაში იყო გამოყოფილი ქვეყნისთვის და არ დახარჯულა. „ყოველწლიურად გამოყოფილი თანხები იმავე წელს მთლიანად არ იხარჯება, შესაბამისად 2022 და 2023 წლებიდან დარჩენილი თანხები, რომელიც უშუალოდ ხელისუფლებისთვის იყო განკუთვნილი, დაიკარგება“, - განმარტებულია ევროკავშირის წარმომადგენლობის ინფორმაციაში. три საერთაშორისო პარტნიორების მოწოდების მიუხედავად, საქართველოს პარლამენტმა 28 მაისს დაძლია პრეზიდენტის ვეტო „აგენტების კანონზე“. ეს კანონი უცხოური გავლენის ინტერესების გამტარებლად აცხადებს ყველა არასამთავრობო და მედიაორგანიზაციას, რომლებიც ქვეყნის სტრატეგიული პარტნიორებისგან იღებენ დაფინანსებას. ამ კანონის მიღების შემდეგ ევროკავშირმა და აშშ-მ, საქართველოს ყველაზე ახლო პარტნიორებმა, პროექტების ნაწილის დაფინანსება შეაჩერეს, რადგან მიიჩნევენ, რომ ქვეყნის ხელისუფლებამ ევროინტეგრაციის კურსი შეცვალა. საპირისპიროს ამტკიცებენ მმართველ პარტიაში, რომლის წევრთა ნაწილსაც „საქართველოში დემოკრატიის ძირის გამოთხრისთვის“ აშშ-მა სანქციები დაუწესა. საქართველოს პრეზიდენტი, პარლამენტის ოპოზიციონერი დეპუტატები და არასამთავრობო და მედიაორგანიზაციები, რომლებმაც საკონსტიტუციო სასამართლოს მიმართეს, მიიჩნევენ, რომ მმართველი პარტიის, „ქართული ოცნების“, მიერ მიღებული კანონი კონსტიტუციას არღვევს, ეწინააღმდეგება ევროინტეგრაციის გაცხადებულ კურსს და მნიშვნელოვნად ლახავს მოქალაქეთა პირად სივრცეს. საჩივრის ავტორები და მოქალაქეები სასამართლოს გადაწყვეტილებას - აჩერებს თუ არა კანონის მოქმედებას საკითხზე განხილვის დასრულებამდე - ერთ თვეზე მეტია ელოდებიან. ასევე ნახეთ „აგენტების კანონის“ საქმეზე საკონსტიტუციო სასამართლოს განმწესრიგებელი სხდომა დასრულდა ...