რუსეთის სასამართლომ ამერიკელ ტრევორ რიდს დაუსწრებლად მიუსაჯა 14,5 წლით თავისუფლების აღკვეთა უკრაინის არმიაში გაწევრიანების ბრალდებით. ამის შესახებ რუსეთის საგამოძიებო კომიტეტი იტყობინება. განაჩენის თანახმად, რიდი, რომელიც მანამდე აშშ-ის საზღვაო ქვეითთა კორპუსში მსახურობდა, 2023 წლის მაისში დაქირავებულ მებრძოლად ჩაირიცხა უკრაინის არმიაში. რიდმა გაიარა სამხედრო მომზადება და მონაწილეობა მიიღო დონეცკის ოლქის ტერიტორიაზე გამართულ ბრძოლებში, რისთვისაც ფული მიიღო. რუსეთის მხარემ ამერიკელის ძებნაც გამოაცხადა. ცნობილი გახდა, რომ რიდი უკრაინის მხარეს იბრძოდა 2023 წლის ივლისში, როცა ნაღმი აუფეთქდა. გავრცელდა ინფორმაცია, რომ მაშინ რიდმა აშშ-ის მთავრობას სთხოვა, ის ამერიკულ ობიექტში გადაეყვანათ გერმანიაში ან პოლონეთში. მანამდე, 2022 წლის აპრილში, რიდი გაცვალეს რუს მფრინავ კონსტანტინ იაროშენკოზე, რომელიც 2011 წელს გაასამართლეს შეერთებულ შტატებში ნარკოტრეფიკში მონაწილეობისთვის და ოცი წლით თავისუფლების აღკვეთა მიუსაჯეს. იმ დროისთვის რიდი თითქმის ორი წელი იმყოფებოდა რუსეთის ციხეში: 2020 წლის ივლისში მას ცხრა წლით თავისუფლების აღკვეთა მიესაჯა პოლიციელებზე თავდასხმის საქმეზე. რიდს დანაშაული არ უღიარებია. ასევე ნახეთ ამერიკის მოქალაქემ, ტრევორ რიდმა, კვლავ გამოაცხადა შიმშილობა რუსეთის კოლონიაში ...