პარტია ინციდენტის ამსახველ ვიდეოს ავრცელებს ფეისბუქზე, სადაც ჩანს რამდენიმე პირი, რომლებიც "საქართველოსთვის" წევრებს სააგიტაციო მასალას ართმევენ. ვიდეოში ისმის ფრაზა: "აი, გახარიას სადაც ეკუთვნის, პოლიტიკურ სანაგვეში მოხვდება 26 ოქტომბერს", - ამბობს ერთ-ერთი პირი და გიორგი გახარიას პარტიის საარჩევნო პლაკატი ნაგვის ურნისკენ მიაქვს. "ჩვენისთანა ახალგაზრდებით არის, ეს ქვეყანა ფეხზე რომ დგას", - თქვა კიდევ ერთმა პირმა. три "საარჩევნო კამპანიის მიმდინარეობისას ოცნების ზონდერაქტივი ჩვენი პარტიის წარმომადგენლებს თავს დაესხნენ. ასე გამოიყურება ოცნების მოჩვენებითი „მშვიდი და სამართლიანი“ წინასაარჩევნო გარემო", - წერია პარტიის, "საქართველოსთვის" ფეისბუქგვერდზე. რადიო თავისუფლებასთან საუბარში, პარტიის ერთ-ერთი ლიდერი ანა ბუჩუკური ჰყვება, რომ მათი წარმომადგენლები ამაღლების ქუჩაზე პლაკატებს აკრავდნენ, რა დროსაც ადგილზე 10-მდე ახალგაზრდა კაცი "მივარდა". ბუჩუკურის თქმით, მათგან ორი პირი იდენტიფიცირებული ჰყავთ და ამ თემაზე ხვალ, 10 ოქტომბერს, ბრიფინგს გეგმავენ. "იყო ფიზიკური შეხლა-შემოხლა, მივარდნა, ჩამოგლეჯა, "ამას არ გაგაკვრევინებთ" და ა.შ. გარდა იმისა, რომ სამართალდარღვევაა სააგიტაციო მასალის დაზიანება, ფიზიკური შეურაცხყოფაც იყო ქალებზე", - ამბობს ის. ანა ბუჩუკურის თქმით, ადგილზე მივიდა საპატრულო ეკიპაჟიც: "არ ვიცი რა რეაგირება ექნებათ, თუმცა აბსოლუტურად ყველა ადამიანი იდენტიფიცირებადია". რადიო თავისუფლება დაუკავშირდა შინაგან საქმეთა სამინისტროს. მათი კომენტარი მიღებისთანავე აისახება ტექსტში. ასევე ნახეთ პრეზიდენტი „ტექნიკურ მთავრობაზე“ საუბრობს. რას ნიშნავს ეს? Banner - Counter -- INF-479-1-col ...