ფლორიდის აღმოსავლეთ სანაპიროზე ელექტროენერგიის მიწოდება შეუწყდა დაახლოებით ორ მილიონ სახლს და საწარმოს. მექსიკის ყურიდან წამოსულმა შტორმმა, რომელსაც თავდაპირველად მაქსიმალური, მეხუთე კატეგორია მიანიჭეს(ქარის სიჩქარე 270კმ/სთ იყო), ფლორიდამდე ძალა მესამე კატეგორიამდე დაკარგა, სიესტა-კის რაიონში ხმელეთზე გადასვლის შემდეგ კი მეორე კატეგორიამდე შესუსტდა(154-177კმ/სთ). ასევე ნახეთ „რამშტაინის“ ფორმატის შეხვედრა გადაიდო მიუხედავად ამისა, ხელისუფლება და მეტეოსამსახური ფლორიდის მცხოვრებთ აფრთხილებენ, რომ ქარიშხალს ჯერ კიდევ აქვს დამანგრეველი ძალა, ამიტომ უსაფრთხო ადგილებში უნდა დარჩნენ. „მილტონის“ მარშრუტზე მდებარე რაიონები მოსახლეობამ წინასწარ დატოვა. ევაკუირებულია დაახლოებით ხუთი მილიონი ადამიანი. ასევე ნახეთ ფლორიდას უძლიერესი შტორმი უახლოვდება, ბაიდენმა გერმანიაში ვიზიტი გადადო 10 ოქტომბრის მონაცემებით, შტორმი ჩრდილო-აღმოსავლეთის მიმართულებით მოძრაობს. „მილტონი“ ფლორიდაში წელს უკვე მესამე შტორმია. მანამდე შტატი დააზარალეს „ფრანსინმა" და „ჰელენმა". ამერიკის სამხრეთ-აღმოსავლეთში მდებარე ექვს შტატში, მათ შორის ფლორიდაში, სექტემბრის ბოლოს დაწყებულმა დამანგრეველმა ქარიშხალმა „ჰელენმა“ 230-ზე მეტი ადამიანის სიცოცხლე იმსხვერპლა. ...