რუსეთის ადიღეს რესპუბლიკაში მოსახლეობის ევაკუაცია დაიწყეს დაბა როდნიკოვიდან. მისგან 500 მეტრში მდებარეობს სამხედრო აეროდრომი „ხანსკაია“, რომელზეც, დილით გავრცელებული ცნობებით, უკრაინული უპილოტო საფრენი აპარატებით შეტევა იყო. ადიღეს რესპუბლიკის მეთაურმა მურატ კუმპილოვმა დრონებით შეტევა დაადასტურა, თუმცა სამხედრო აეროდრომი არ უხსენებია. კუმპილოვის ტელეგრამ-არხზე ადგილობრივი დროით დილის 9 საათისთვის გამოქვეყნებული ინფორმაციით, ადიღეს რესპუბლიკის დედაქალაქ მაიკოპის გარეუბანზე „მტრის უპილოტო საფრენი აპარატებით შეტევა“ იყო, რასაც ხანძარი მოჰყვა. კუმპილოვის თანახმად, მიმდინარეობს როდნიკოვის მცხოვრებთა „ორგანიზებული ევაკუაცია“ და ისინი დასახლებულ პუნქტ ხანსკაიაში გადაჰყავთ. დღეს, 10 ოქტომბერს, დილიდან სოციალური ქსელებით გავრცელდა არაერთი ვიდეო და ცნობები, რომ დრონებით დარტყმა იყო ადიღეს რესპუბლიკაში მდებარე სამხედრო აეროდრომზე, რომელიც მაიკოპიდან ექვს და დასახლებულ პუნქტ ხანსკაიადან სამ კილომეტრში მდებარეობს. უკრაინას რუსეთის ამ სამხედრო ობიექტზე შეტევის შესახებ ჯერჯერობით არაფერი უთქვამს. რუსეთის თავდაცვის სამინისტროს მიერ დილით გამოქვეყნებულ ინფორმაციაში, რომელიც უკრაინული დრონებით შეტევას ეხება, ადიღეს რესპუბლიკა ნახსენები არ არის. ამასთან, ამ ცნობის მიხედვით, ღამის განმავლობაში 47 უპილოტო საფრენი აპარატი გაანადგურეს კრასნოდარის მხარეში. ადიღეს რესპუბლიკას გარშემო ესაზღვრება სწორედ კრასნოდარის მხარე. ასევე ნახეთ სატელიტური ფოტოები რუსეთის იარაღის საწყობებზე შეტევის შედეგზე მსჯელობის საშუალებას იძლევა ბოლო რამდენიმე კვირის განმავლობაში უკრაინამ დრონებით იერიში მიიტანა რუსეთის არაერთ სამხედრო ობიექტზე, მათ შორის კრასნოდარის და ტვერის ოლქებში მდებარე საბრძოლო მასალების საწყობებზე. 9 ოქტომბერს უკრაინის შეიარაღებული ძალების გენერალურმა შტაბმა განაცხადა, რომ რუსეთის ტერიტორიაზე დაარტყეს კრასნოდარის მხარის ეისკის რაიონში მდებარე ბაზას, სადაც დრონები ინახებოდა, ხოლო ბრიანსკის ოლქში - რუსეთის თავდაცვის სამინისტროს მთავარი სარაკეტო-საარტილერიო სამმართველოს 67-ე არსენალს, სადაც ინახებოდა სარაკეტო-საარტილერიო შეიარაღების საბრძოლო მასალები, მათ შორის ჩრდილოკორეული. რუსეთის თავდაცვის სამინისტროს ამ ობიექტებზე შეტევის შესახებ არაფერი უთქვამს. ასევე ნახეთ როგორ ემზადება პოლონეთი რუსეთთან ომისთვის ...