უკრაინის პრეზიდენტი ვოლოდიმირ ზელენსკი ჩავიდა ლონდონში, საიდანაც დაიწყო ტურნე ევროპის ქვეყნებში, უკრაინის უმთავრეს მოკავშირე ქვეყნებში. ზელენსკი ცდილობს მოიპოვოს დამატებითი სამხედრო და საფინანსო დახმარება. უკრაინას ყოველდღიურად უწევს წინ აღუდგეს რუსეთის მზარდ იერიშს, საჰაერო და სახმელეთო თავდასხმებს, განსაკუთრებით აღმოსავლეთ რეგიონში, სადაც მოწინააღმდეგის ჯარები წინ მიიწევენ. ვოლოდიმირ ზელენსკი შეხვდა ბრიტანეთის პრემიერ-მინისტრს, კირ სტარმერს. ზელენსკიმ და სტარმერმა მოილაპარაკეს ნატოს ახალ გენერალურ მდივან მარკ რუტესთან, რომელიც გასულ კვირაში ალიანსის გენერალურ მდივნად არჩევის შემდეგ ჩავიდა კიევში. ევროპაში ზელენსკის ამგვარი მოგზაურობა დაიგეგმა მას მერე, რაც უკრაინის საკვანძო მნიშვნელობის მოკავშირეთა შეხვედრა გერმანიის ავიაბაზა „რამშტაინში“ ოფიციალურად გადაიდო მას შემდეგ, რაც შეერთებული შტატების პრეზიდენტმა გერმანიაში დაგეგმილი მოგზაურობა გადადო. ამის მიზეზი იყო ქარიშხალი „მილტონი". თეთრი სახლის პრესმდივნის თანახმად, „მილტონის" პროგნოზირებული სიძლიერის და ტრაექტორიის გათვალისწინებით, ჯო ბაიდენმა გადაწყვიტა, პირადად გაეკონტროლებინა მოსამზადებელი სამუშაოები და რეაგირების ზომები. ასევე ნახეთ მედიის ცნობით, შოლცი უკრაინაზე მოსალაპარაკებლად უმასპინძლებს ბაიდენს, მაკრონსა და სტარმერს ...