უკრაინის პრეზიდენტმა, რომელმაც ევროპული ტურნე დაიწყო 10 ოქტომბერს და უკვე ესტუმრა ბრიტანეთს და საფრანგეთს, განაცხადა, რომ რუსეთთან ომში ცეცხლის შეწყვეტა არ განიხილება ევროპელ მოკავშირეებთან შეხვედრებზე და მოუწოდა დასავლეთს, გაუწიოს უკრაინას მხარდაჭერა მკაცრი ზამთრის წინ. ლონდონში, პარიზში, რომსა და ბერლინში თავისი 48-საათიანი მოგზაურობის დროს, ვოლოდიმირ ზელენსკი ცდილობს სამხედრო და ფინანსური დახმარება მოიპოვოს იმ შიშის ფონზე, რომ თუ დონალდ ტირამპი გახდა აშშ-ის პრეზიდენტი, დახმარება შემცირდება. პარიზში, საფრანგეთის პრეზიდენტ ემანუელ მაკრონთან მოლაპარაკების შემდეგ, ჟურნალისტებთან საუბრისას ზელენსკიმ უარყო მედიის ინფორმაცია იმის შესახებ, რომ ის რუსეთთან ცეცხლის შეწყვეტის პირობებს განიხილავდა მასპინძლებთან. „ეს არ არის ჩვენი მსჯელობის თემა“ -თქვა მან, „ეს არ არის მართალი. რუსეთი მედიაში დეზინფორმაციის გავრცელებაზე ბევრს მუშაობს, ისე რომ, ასეთი ცნობები გასაგებია“, დასძინა მან. ზელენსკიმ უარყო ყოველგვარი სამშვიდობო გეგმა, რომელიც რუსეთისთვის მიწების დათმობას გულისხმობს და თქვა, რომ მოსკოვმა ჯერ მთლიანად უნდა გაიყვანოს თავისი ჯარი უკრაინიდან. ზელენსკიმ განაცხადა ასევე, რომ მან მაკრონთან ერთად განიხილა რუსეთზე „კიევის გამარჯვების“ გეგმა და მადლობა გადაუხადა მაკრონს მხარდაჭერისთვის. „ზამთრამდე დაგვჭირდება მხარდაჭერა,“ თქვა ზელენსკიმ და აღიარა, რომ „რთული ვითარებაა აღმოსავლეთში“ და „დიდია დეფიციტი“ ზოგიერთი აღჭურვილობის მხრივ“. დეტალებზე ლაპარაკის გარეშე, მაკრონმა თქვა, რომ ზელენსკიმ გააცნო „უკრაინის მომავალი კვირების გეგმა“ და რომ მათ განიხილეს „მომავალი კვირების და თვეების სტრატეგია“. მაკრონმა უკრაინას რუსეთთან ომში მხარდაჭერა გამოუცხადა. ზელენსკი პარიზში ჩავიდა ლონდონიდან, სადაც მასპინძელი ქვეყნის პრემიერ-მინისტრ კირ სტარმერის გარდა შეხვდა ნატოს გენერალურ მდივანს, მარკ რიუტეს. სტარმერმა შეხვედრის შემდეგ განაცხადა, რომ ზელენსკითან ერთად დეტალურად განიხილა უკრაინის „გამარჯვების გეგმა". ზელენსკი ცდილობს მოიპოვოს ნებართვა, დასავლეთის შორი მოქმედების იარაღის გამოყენებისთვის რუსეთის ტერიტორიაზე სამიზნეების წინააღმდეგ, რათა შეაჩეროს რუსეთი, რომელმაც ბოლო ხანებში დაიკავა უკრაინის აღმოსავლეთის ათეულობით სოფელი და ქალაქი. ვაშინგტონი და ლონდონი ნებართვის მიცემას აჭიანურებენ, რადგან შიშობენ, რომ ნატოები მოკავშირეები რუსეთთან უშუალო კონფლიქტში ჩაერთვებიან. სტარმერმა თქვა, რომ არც ერთი ომი არ მოგებულა ჯერ მხოლოდ იარაღით და რომ ზელენსკისთან დახმარების დეტალები განიხილეს. ამ საკითხზე რიუტემ უთხრა ჟურნალისტებს, რომ „იურიდიულად ეს შეიძლება, რადგან უკრაინას ამ მხრივ აქვს უფლება, თავისი იარაღი გამოიყენოს რუსეთში სამიზნეების წინააღმდეგ, თუ ისინი უკრაინისთვის საფრთხეს წარმოადგე...