ფლორიდაში ქარიშხალ „მილტონს“ 16 ადამიანის სიცოცხლე ემსხვერპლა, ინფორმაციას CBS News-ი ფლორიდის მართლწესრიგის დეპარტამენტზე დაყრდნობით ავრცელებს. „მილტონი“, ატლანტიკური ქარიშხლებზე დაკვირვების ისტორიაში მეხუთე ყველაზე ძლიერი ქარიშხალია. ქარიშხალმა შტატში მოგლიჯა ელექრტოგადამცემი ხაზები, დაიტბორა ქუჩები და დაანგრია შენობები. 2.7 მლნ სახლი ელექტოენერგიის გარეშეა დარჩენილი ჯერ კიდევ ქარიშხალ „ჰელენადან“ მოყოლებული, რომელის შტატს თავს სექტემბრის ბოლოს დაატყდა. ანალიტიკოსების პირველადი მონაცემებით „მილტონის“ მიერ მიყენებული ზარალი 100 მლნ დოლარია - ეს თითქმის ორჯერ აღემატება გასული წლის სექტემბრისთვის, შეერთებულ შტატებში მომხდარი ყველა კატასტროფის შედეგად მიყენებული ზიანის ოდენობას. თეთრმა სახლმა დაზარალებულებს სახელმწიფოს ფედერალური მხარდაჭერა აღუთქვა. три ქარიშხლამდე ფლორიდას სულ ცოტა 19-მა ტორნადომ გადაურა. ფლორიდის გუბერნატორის რომ დესანტისის თქმით, შტატი ყველაზე ცუდ სცენარს გადაურჩა (მოელოდნენ პირდაპირ დარტყმას მჭიდროდ დასახლებულ სანაპირო ქალაქებში), თუმცა ზიანი მაინც მასშტაბურია. “მილტონისა” და “ჰელენის” მსგავსი ქარიშხლები კლიმატის ცვლილებასთან ერთად ძლიერდება, ისინი წლიდან წლამდე ოკეანის წყლების დათბობით საზრდოობენ, თბილი ჰაერი კი მათში ტენიანობის შენარჩუნების ხანგრძლივობას ზრდის. ...