„საუბრისას ჩემი ღრმა შეშფოთება გამოვხატე სამოქალაქო საზოგადოებაზე მიმდინარე ზეწოლაზე, ადამიანის უფლებებთან დაკავშირებით მდგომარეობასა და ანტიდასავლური რიტორიკის შესახებ. ამგვარი მოქმედებები ძირს უთხრის საქართველოს მოქალაქეების მკაფიო ამბიციას, შექმნან თანამედროვე და ინკლუზიური საზოგადოება და ჰქონდეთ ევროატლანტიკური მომავალი და ასევე, ეჭვქვეშ აყენებს დიდ ბრიტანეთსა და საქართველოს შორის მჭიდრო პარტნიორობას“, - წერს სტივენ დაუთი. три ​მანვე აღნიშნა, რომ დიდი ბრიტანეთი მონაწილეობს ეუთო/ოდირის სადამკვირვებლო მისიაში, რათა მხარი დაუჭირონ საქართველოში არჩევნების თავისუფალ და სამართლიან გარემოში ჩატარებას. 28 მაისს საქართველოს პარლამენტმა, ხალხმრავალი პროტესტისა და პარტნიორების მოწოდების მიუხედავად, „აგენტების კანონზე“ დაძლია პრეზიდენტის ვეტო. როგორც ევროკავშირის ელჩმა, პაველ ჰერჩინსკიმ თქვა, საქართველოს ევროინტეგრაცია შეჩერებულია. კანონის მიღების შემდეგ აშშ-მა და ევროკავშირმა საქართველოს დახმარება შეუმცირეს, დიდმა ბრიტანეთმა კი საქართველოში სტრატკომის დაფინანსება შეწყვიტა. ...