წუხელ უცნობმა შეიარაღებულმა პირებმა ინგუშეთში, ფედერალურ გზატკეცილზე, დედაქალაქ მაგასის შესასვლელთან, ცეცხლი გაუხსნეს ავტომობილში მყოფ ცენტრ-E-ს (ექსტრემიზმის წინააღმდეგ ბრძოლის ცენტრი - რედ.) თანამშრომელს. „კავკაზ.რეალიის“ ცნობით, სამი ადამიანი დაიღუპა. ადგილობრივი ტელეგრამის არხები წერენ, რომ მანქანას ცეცხლი გაუხსნა რამდენიმე კაცმა, რომლებიც თავდასხმის ადგილიდან უცნობი მიმართულებით გაიქცნენ. მათ ახლა ეძებენ. три უსაფრთხოების ძალებთან დაკავშირებული ტელეგრამის არხი წერს, რომ ერთ-ერთი დაღუპული არის ილიას აუშევი, მაგასის საგზაო-საპატრულო პოლიციის თანამშრომელი. წინასწარი მონაცემებით, ის იმ დროს სამსახურებრივ მოვალეობას არ ასრულებდა. ასევე ნახეთ რა ხდება ინგუშეთში - ვინ არიან ყარაბულაკში დახოცილი „მებრძოლები“? ...