„მგონი, რომ დრო არის, პარტიებმა მიიღონ გადაწყვეტილება, რამდენად არიან ამ ქარტიის არამარტო სულისკვეთების, არამედ მისი ყოველივე სიტყვის ერთგული. ეს არის ისეთი დოკუმენტი, რომელშიც არ შეიძლება მერე იყოს გაუგებრობა. სტაბილურობა ამ ქვეყნის არის ამაზე დამოკიდებული.​.. მე ველი, რომ პარტიებმა დაადასტურონ, რომ ამ ყველაფერს ეთანხმებიან, თუ არადა, ვინც არ ეთანხმება, შეუძლიათ უკან წაიღონ ხელმოწერა. საჭიროა, საზოგადოებამ იცოდეს, როცა ხმას მისცემს, რომელი პარტიაა თანმიმდევრული ამ ქარტიასთან“, - თქვა სალომე ზურაბიშვილმა. მანვე აღნიშნა, რომ ტექნიკური მთავრობა არჩევნებამდე უნდა დასახელდეს, რადგან საზოგადოებამ იცოდეს, ვინ იქნება პასუხისმგებელი ქარტიით გაწერილი ვალდებულებების შესრულებაზე: „მე ვთვლი, რომ [მთავრობა] წარდგენილი უნდა იყოს არჩევნებამდე, რადგან საზოგადოებამ იცოდეს, ვინ იქნება პასუხისმგებელი მთავრობაში და ვინ წაიყვანს, პარლამენტის კონტროლის ქვეშ, ამ ქვეყანას ქარტიის გზას...“ პრეზიდენტმა ბრიფინგის დაწყების დროს ისაუბრა, რატომ არის ამ ქარტიის პირობების შესრულება აუცილებელი. მისი თქმით, თუკი პოლიტიკური პარტიები შეასრულებენ „ქართულ ქარტიით“ გაწერილ პირობებს, ქვეყანა დაბრუნდება ევროკავშირში გაწევრიანებისთვის საჭირო მოლაპარაკებების გახსნის ეტაპზე. „მე ამ ქარტიით წავედი ევროპაში, შევხვდი ყველა პასუხისმგებელ პირს... ამ ქარტიით მსვლელობა თუ იქნება, პირობა მივიღე, რომ ჩვენ დაგვაბრუნებენ სასწრაფო ტემპით იქ, სადაც უნდა ვყოფილიყავით - მოლაპარაკების გახსნის კარებთან“, - თქვა სალომე ზურაბიშვილმა. ასევე ნახეთ პრეზიდენტი: ევროპაში მივიღე პირობა, რომ თუ ქარტია შესრულდება, დაგვაბრუნებენ მოლაპარაკებების ეტაპზე სალომე ზურაბიშვილმა თავისი ინიციირებული „ქართული ქარტია“ 26 მაისს წარადგინა. ის ითვალისწინებს რეფორმების გატარებას ათზე მეტ სფეროში. მასზე ხელმომწერი პარტიები პასუხისმგებლობას იღებენ, რომ საპარლამენტო არჩევნებში გამარჯვების შემთხვევაში, "ქარტიის" პირობებს შეასრულებენ. სალომე ზურაბიშვილის განმარტებით, „ქართულ ქარტიაში“ ასახულია საზოგადოების დაკვეთა და მოთხოვნა. "ქართულ ქარტიაზე" ხელმომწერები იღებენ ვალდებულებას, რომ შეასრულებენ "ამ ქარტიაში ჩაწერილ პირობებს პირველივე საგაზაფხულო სესიის დასრულებამდე და შესრულებისთანავე ჩატარდება ვადამდელი საპარლამენტო არჩევნები თავისუფალ და სამართლიან პირობებში. ასევე, დებენ პირობას, რომ მთავრობა, რომელიც ამ სამოქმედო გეგმის აღსრულებაზე იქნება პასუხისმგებელი, წარდგენილი იქნება საქართველოს პრეზიდენტის მიერ“, - წერია „ქართულ ქარტიაში“. три ასევე ნახეთ რეფორმები, რომლებსაც პრეზიდენტის სამოქმედო გეგმა, „ქართული ქარტია“, ითვალისწინებს ...