ოპოზიციური პარტიების წარმომადგენლები გამოეხმაურნენ საქართველოს პრეზიდენტის სალომე ზურაბიშვილის განცხადებას, რომლის მიხედვითაც პრეზიდენტი ტექნიკური მთვარობის შემადგენლობას არჩევნებამდე წარადგენს. სალომე ზურაბიშვილმა ოპოზიციას სთხოვა კიდევ ერთხელ დაედასტურებინათ, რომ ქარტიაში გაწერილი ვალდებულებების ერთგულნი არიან. ასევე ნახეთ პრეზიდენტი: ევროპაში მივიღე პირობა, რომ თუ ქარტია შესრულდება, დაგვაბრუნებენ მოლაპარაკებების ეტაპზე „კოალიციამ ცვლილებისთვის“ 13 ოქტომბერს გაავრცელა განცხადება, სადაც ნათქვამია, რომ პრეზიდენტის ეს ინიციატივა „სრულ შესაბამისობაშია“ ქარტიასთან. კოალიცია აცხადებს, რომ მათ ხელმოწერით დაადასტურეს ვალდებულება, სრულად შეასრულონ ქარტიით გათვალისწინებული ყველა პუნქტი. „შესაბამისად, მხარს ვუჭერთ პრეზიდენტის ინიციატივას“ - ნათქვამია განცხადებაში. „ერთიანობა - ნაციონალური მოძრაობის“ თავმჯდომარე თინა ბოკუჩავამ ასევე დაადასტურა მისი პარტიის ერთგულება ქარტიის მიმართ. „დემოკრატიულ, პროდასავლურ პარტიებთან ერთად არჩევნების შემდეგ შევკრავთ კოალიციურ ხელისუფლებას“ - თქვა მან. "ძლიერი საქართველოს" წევრმა თაზო დათუნაშვილმა განაცხადა, რომ კოალიცია ქარტიის ერთგული რჩება, თუმცა მთავრობის კონფიგურაციის შესახებ გადაწყვეტილება არჩევნების შემდეგ უნდა გაკეთდეს. პარტია „გახარია საქართველოსთვის“ თავმჯდომარის მოადგილემ ნათია მეზვრიშვილმაც განაცხადა: “ამ პროცესში ვრჩებით და პროცესში დარჩენა ნიშნავს იმას, რომ ეს პროცესი ქარტიის ირგვლივ არის შექმნილი და ბუნებრივია, ამ პროცესში მონაწილეობას ვიღებთ.” თუმცა, მან ასევე ხაზი გაუსვა, რომ არჩევნებამდე ტექნიკური მთავრობის კანდიდატების დასახელება რისკის შემცველი შეიძლება იყოს - ამან შეიძლება გამოიწვიოს “საარჩევნო პროცესის თავდაყირა დაყენება, კომუნიკაციის შეფერხება მოქალაქეებთან და პარტიების სხვა საკითხებით დაკავება”. ასევე ნახეთ პრეზიდენტი „ტექნიკურ მთავრობაზე“ საუბრობს. რას ნიშნავს ეს? სალომე ზურაბიშვილი გასული კვირის განმავლობაში მისი თქმით, გასული დღეების განმავლობაში ოთხ ოპოზიციურ პარტიასთან („ერთიანობა - ნაციონალური მოძრაობა“, „კოალიცია ცვლილებისთვის“, „ძლიერი საქართველო“, „საქართველოსთვის“) მართავდა შეხვედრებს, რათა მათ კიდევ ერთხელ დაედასტურებინათ, რომ არიან ერთგულნი ქარტიაში გაწერილი ვალდებულებების. მათ შორის იმის, რომ პრეზიდენტი დაასახელებს ტექნიკურ მთავრობას. სალომე ზურაბიშვილის თქმით, სწორედ ამ პუნქტთან დაკავშირებით არსებობს სხვადასხვაგვარი ინტერპრეტაცია ოპოზიციაში. პრეზიდენტმა განაცხადა, რომ არჩევნებამდე აპირებს ტექნიკური მთავრობის წარდგენას. „მე ვთვლი, რომ წარდგენილი უნდა იყოს არჩევნებამდე, რადგან საზოგადოებამ იცოდეს, ვინ იქნება პასუხისმგებელი მთავრობაში და ვინ წაიყვანს...