აშშ-ის პრეზიდენტი ჯო ბაიდენი გერმანიაში ვიზიტს 18 ოქტომბერს გეგმავს, მას შემდეგ, რაც ქარიშხალ "მილტონის" გამო ამ კვირაში დაგეგმილი ვიზიტის გადადება მოუწია. აშშ-ის ლიდერის ვიზიტის ახალი თარიღი სააგენტო "როიტერსმა" და გერმანულმა გაზეთმა "შპიგელმა" გერმანიის მთავრობის ანონიმურ წყაროებზე დაყრდნობით გაავრცელეს. “როიტერსის” ინფორმაციით, ბაიდენის ვიზიტი არ იქნება ოფიციალური სახელმწიფო ვიზიტი, არამედ შემოიფარგლება მხოლოდ მიმდინარე ერთობლივ სამუშაოში მონაწილეობით. “შპიგელის” ინფორმაციით, ბაიდენს ოფიციალური შეხვედრები აქვს დაგეგმილი გერმანიის კანცლერ ოლაფ შოლცთან და პრეზიდენტ ფრანკ-ვალტერ შტაინმაიერთან. ცნობის თანახმად, მოლაპარაკებები შეეხება რუსეთის ომს უკრაინაში და ახლო აღმოსავლეთში შექმნილი ვითარებას. ჯო ბაიდენის გერმანიაში ვიზიტის გადადებამ გამოიწვია გაუქმება უკრაინის თავდაცვის საკონტაქტო ჯგუფის (რამშტაინის ფორმატი) შეხვედრისა, რომელიც აშშ-ის ლიდერის თავმჯდომარეობით და უკრაინის პრეზიდენტის, ვოლოდიმირ ზელენსკის მონაწილეობით 12 ოქტომბერს უნდა გამართულიყო. რამშტაინის შეხვედრის ახალი თარიღი ჯერ არ არის დადგენილი. მოკავშირეები და უკრაინის ლიდერები 12 ოქტომბერს უნდა შეხვედროდნენ ერთმანეთს გერმანიაში, რამშტაინის სამხედრო-საჰაერო ბაზაზე. მაგრამ უკრაინის დახმარების საკონტაქტო ჯგუფის შეხვედრა გადაიდო, ვინაიდან ამერიკის პრეზიდენტი ჯო ბაიდენი აშშ-ში დარჩა ქარიშხალ „მილტონის“ მოახლოების გამო. მანამდე ზელენსკიმ განაცხადა, რომ შეხვედრაზე აპირებდა წარედგინა „გამარჯვების გეგმა", რომელიც უკვე გააცნო აშშ-ის პრეზიდენტს. BBC-ის თანახმად, ზელენსკის „გამარჯვების გეგმა“ ოთხი პუნქტისგან შედგება. ესენია: უკრაინის სამხედრო დახმარება, ეკონომიკური ნაბიჯები, რუსეთზე დიპლომატიური ზეწოლა და მოსკოვის „პოლიტიკური იძულება“, რომ დაასრულოს ომი და მიუჯდეს მოლაპარაკებების მაგიდას. ასევე ნახეთ რამშტაინის შემდეგ შეხვედრაზე ზელენსკი დასავლელ მოკავშირეებს „გამარჯვების გეგმას“ წარუდგენს ასევე ნახეთ "გამარჯვების გეგმით" ზელენსკი "სამართლიანი მშვიდობის" მიღწევას აპირებს ...