13 ოქტომბერს ლიეტუვაში საპარლამენტო არჩევნები ჩატარდა. საარჩევნო უბნები მთელი ქვეყნის მასშტაბით საღამოს 20 საათზე დაიხურა. ამომრჩევლის საერთო აქტივობამ, წინასწარი მონაცემებით, 52 პროცენტს გადააჭარბა. მანამდე მოქალაქეებს ხმის მიცემა სამი დღით ადრე შეეძლოთ. ლიეტუვაში ამომრჩეველი ერთპალატიანი სეიმის 141 დეპუტატს ირჩევდა, 71 ადგილი გადანაწილდება ერთმანდატიან ოლქებში, 70 - მრავალმანდატიან ოლქებში. სახელმწიფო მოწყობით ლიეტუვა საპარლამენტო რესპუბლიკაა, ქვეყანაში სახელმწიფო პოლიტიკის ძირითადი დებულებები განისაზღვრება დეპუტატების მიერ ჩამოყალიბებული მთავრობის მიერ. წელს სეიმში სულ 1740 ადამიანი იყრიდა კენჭს, კანდიდატების სიები 14-მა პარტიამ და ერთმა კოალიციამ წარადგინეს. წელს საარჩევნო აქტივობა უფრო მაღალია, ვიდრე წინა, COVID-19-ის პანდემიის დროს ჩატარებულ არჩევნებში. სოციოლოგიურ გამოკითხვები დამარცხებას უწინასწარმეტყველებს 2020 წლის საპარლამენტო არჩევნებში გამარჯვებულ კონსერვატიულ ძალას: „მამულის კავშირი-ლიეტუველი ქრისტიან-დემოკრატები“. ხმების დათვლის პროცესი შუაღამით უნდა დასრულდეს. ასევე ნახეთ ლიეტუვამ ქვეყანაში შესვლა აუკრძალა რუსეთის ეკლესიის პატრიარქ კირილეს ...