„მოლოდინი მქონდა, რომ ჩვენ ერთად ვიმუშავებდით საქართველოს მედეგობის გაძლიერების და ჩვენი საერთო კეთილდღეობისთვის, მაგრამ გასული წლის მანძილზე საქართველოს მთავრობამ განსხვავებული კურსი არჩია და თბილისში ჩემი პირველი თვეების განმავლობაში მომიწია მკაფიოდ გამომეხატა ჩვენი შეშფოთება დემოკრატიის უკუსვლისა და ანტიდასავლური რიტორიკის შესახებ... ჩვენ იმედგაცრუებული დავრჩით, როდესაც „ქართული ოცნების“ ლიდერებმა დაიწყეს შეთქმულების თეორიების პროპაგანდა და გამოთქვამენ ვარაუდებს, რომ დასავლელი პარტნიორები ძირს უთხრიან საქართველოს. ჩვენ შოკირებული ვიყავით, როდესაც „ქართულმა ოცნებამ“ საარჩევნო პროგრამის დაპირებად ოპოზიციური პარტიების აკრძალვა დასახელდა“, - ამბობს ელჩი. ასევე ნახეთ „ძირს უთხრის ადამიანის ფუნდამენტურ უფლებებს“ - ბრიტანეთის ელჩი ლგბტ უფლებების შემზღუდავ კანონს გამოეხმაურა გარეტ უორდმა ინტერვიუში ახსენა „აგენტების კანონიც“ და მას სამოქალაქო საზოგადოების საქმიანობის შემზღუდველი კანონი უწოდა. „ჩამოთვლილი მიზეზების გამო პირველად 10 წლის განმავლობაში, ჩვენ, ბრიტანულმა მხარემ, გადავწყვიტეთ გაგვეყინა ყოველწლიური, მაღალი რანგის „უორდროპის დიალოგი“ მინისტრებს შორის. ასეთი რამ პირველად მოხდა დიალოგის ფორმატის დაარსებიდან. ჩვენ ასევე გავაუქმეთ თავდაცვის შტაბებს შორის დაგეგმილი მაღალი რანგის მოლაპარაკებები და შევაჩერეთ ახალი კიბერუსაფრთხოების პროგრამა. არჩევნების შემდეგ, მიუხედავად იმისა თუ ვინ იქნება მთავრობაში, ვიმედოვნებთ, რომ ვიხილავთ ევროატლანტიკურ გზაზე დაბრუნების მკაფიო მტკიცებულებებს, რათა აღვადგინოთ ნდობა და დავუბრუნდეთ მჭიდრო პარტნიორობას“, - ამბობს ელჩი. ხალხმრავალი პროტესტისა და პარტნიორების მოწოდების მიუხედავად, 28 მაისს საქართველოს პარლამენტმა, „ქართული ოცნების“ უმრავლესობითა და რამდენიმე ოპოზიციონერი დეპუტატის მონაწილეობით, დაძლია „აგენტების კანონზე“ პრეზიდენტის ვეტო. საქართველოს ხელისუფლებაში მყოფი პარტიის წევრების სანქცირებაზე საუბარი სწორედ ამ პერიოდიდან დაიწყო. ასევე ნახეთ პარლამენტმა „აგენტების კანონზე“ პრეზიდენტის ვეტო დაძლია 16 სექტემბერს ცნობილი გახდა, რომ აშშ-მა შსს-ს განსაკუთრებულ დავალებათა დეპარტამენტის ხელმძღვანელ ზვიად ხარაზიშვილს, მის მოადგილე მილერი ლაგაზაურს, ულტრამემარჯვენე, ძალადობრივი მოწოდებებით ცნობილი „კონსერვატიული მოძრაობის“, იმავე „ალტ-ინფოს“ ლიდერებს, კონსტანტინე მორგოშიასა და ზურაბ მახარაძეს, სანქციები დაუწესა. ასევე ნახეთ აშშ-მა ზვიად ხარაზიშვილს, მილერი ლაგაზაურს, კონსტანტინე მორგოშიასა და ზურაბ მახარაძეს სანქციები დაუწესა აშშ ასევე აცხადებს, რომ „საქართველოში დემოკრატიისთვის ძირის გამოთხრისთვის“ დამატებით 60-ზე მეტ ოჯახს სავიზო აკრძალვებს დაუწესებს. იმავე მიზეზით...