შეხვედრის შემდეგ გამართულ პრესკონფერენციაზე იანოს ბოკამ განაცხადა, რომ სხდომის მიმდინარეობისას საქართველოს საკითხი გერმანიამ წამოჭრა. "ევროკავშირი კიდევ ერთხელ ადასტურებს ერთგულებას რეგიონის სტაბილურობისა და დემოკრატიული მისწრაფებების მიმართ". უნგრეთის ევროპის საქმეთა მინისტრი დასძენს, რომ ევროპული საბჭოს მომდევნო შეხვედრაზე, რომელიც ბრიუსელში 17-18 ოქტომბერს გაიმართება და ევროკავშირის წევრი სახელმწიფოების ლიდერები მოიყრიან თავს, იმსჯელებენ საგარეო პოლიტიკის საკითხებზე, პირველ რიგში კი საქართველოზე. ევროკავშირის საბჭოს სხდომის დაწყებამდე კომენტარი გააკეთეს გერმანიისა და საფრანგეთის წარმომადგენლებმა. ანა ლიურმანმა, გერმანიის საგარეო საქმეთა მინისტრის მოადგილემ ევროპის საკითხებში, თქვა, რომ საქართველოს მთავრობა აფერხებს მოსახლეობის ევროპულ მისწრაფებას: "ევროკავშირის წევრობაზე ქართველებიც ოცნებობენ. სამწუხაროდ, საქართველოს მთავრობა ქართველებს ევროკავშირისაკენ მიმავალ გზაზე აფერხებს. ჩვენ ქართველ ხალხს გვერდში ვუდგავართ, რათა ეს ოცნება აისრულონ. საქართველოს მოსახლეობას აქვს უფლება, არჩევნებზე თავისუფლად და სამართლიანად მიიღონ გადაწყვეტილება თავისი გზის, სამომავლო მიმართულების შესახებ", - განაცხადა ანა ლიურმანმა. მისი განცხადება მოსდევდა თბილისის მერის, კახა კალაძის ნათქვამს, რომელმაც ანა ლიურმანს წინა დღეს უწოდა "კუბილიუსი კაბაში". ლიურმანმა იქამდე საქართველოს მთავრობა გააკრიტიკა და თქვა, რომ ევროკავშირი მხარს უჭერს "საქართველოს გზას ევროკავშირისკენ, თუმცა ეს არ ეხება საქართველოს ამჟამინდელ მთავრობას, რომელიც ევროკავშირისკენ მიმავალ გზას აფერხებს". ასევე ნახეთ ლიურმანი: მხარს ვუჭერთ საქართველოს გზას ევროკავშირისკენ, თუმცა ეს არ ეხება საქართველოს ამჟამინდელ მთავრობას კალაძის განცხადების პასუხად, გერმანიის ელჩმა საქართველოში, პეტერ ფიშერმა დაწერა, რომ "ვიღაცამ ავტოგოლი გაიტანა". ბენჟამენ ადადმა, ევროპის საკითხებში საფრანგეთის დელეგატმა მინისტრმა, ყურადღება გაამახვილა ევროკავშირის ღირებულებებსა და მათ მნიშვნელობაზე ევროინტეგრაციის პროცესში: "იცით, რომ საქართველო ევროკავშირის წევრობის კანდიდატია და ჩვენ მხარს ვუჭერთ ქართველი ხალხის ევროპულ მისწრაფებას. მაგრამ ევროკავშირი ღირებულებითი ერთობაა, სამართლებრივი სახელმწიფოთი, სასამართლოს დამოუკიდებლობის ფუნდამენტური ნორმის პატივისცემით, სამოქალაქო საზოგადოების პატივისცემით, უმცირესობების, ლგბტ თემის პატივისცემით. ამ თვალსაზრისით, საქართველოში შექმნილი მდგომარეობა გვაწუხებს", - თქვა ადადმა. три მან ასევე გაიმეორა ის გზავნილი, რაც საქართველოს მთავრობამ "ვაიმარის სამკუთხედის" ქვეყნების - გერმანიის, საფრანგეთისა და პოლონეთის ერთობლივ...