Reuters-ი ავრცელებს ინფორმაციას აშშ-ის სახელმწიფო მდივნის, ენტონი ბლინკენისა და თავდაცვის მინისტრის, ლოიდ ოსტინის განცხადებაზე, რომელიც ისრაელს ეხება: ისრაელმა სასწრაფოდ უნდა გადადგას ნაბიჯები ღაზის სექტორში ჰუმანიტარული სიტუაციის გამოსასწორებლად, რათა თავიდან აიცილოს სამართლებრივი მოქმედება აშშ-ის სამხედრო დახმარებასთან დაკავშირებით. ამის შესახებ იტყობინებოდა აშშ-ის გამოცემა Axios-ი 15 ოქტომბერს. „ამ წერილით გამოვხატავთ აშშ-ის მთავრობის ღრმა შეშფოთებას ღაზაში ჰუმანიტარული ვითარების გაუარესებასთან დაკავშირებით და მოვითხოვთ თქვენი მთავრობისგან სასწრაფო და თანმიმდევრულ მოქმედებას ამ თვეში, რათა შეიცვალოს ეს ტრაექტორია“, - მიმართავენ ბლინკენი და ლოიდი თავიანთ ისრაელელ კოლეგებს 13 ოქტომბერს წერილში, რომელსაც იმოწმებს Axios-ის კორესპონდენტი. ისრაელის პრემიერ-მინისტრმა ბენიამინ ნეთანიაჰუმ განაცხადა, რომ ქვეყნის ეროვნულ ინტერესებზე დაყრდნობით მოქმედებს: "ჩვენ ვისმენთ აშშ-ის აზრს, მაგრამ საბოლოო გადაწყვეტილებას საკუთარ ეროვნულ ინტერესებზე დაყრდნობით ვიღებთ", - თქვა ნეთანიაჰუმ. სააგენტოს თხოვნაზე, კომენტარი გაკეთოს ბლინკენისა და ოსტინის განცხადებაზე, პენტაგონს პასუხი ჯერ არ გაუცია. გავრცელებული ინფორმაციით, აშშ-ის ხელისუფლებამ გადაწყვიტა ისრაელს მიაწოდოს სარაკეტო თავდაცვის სისტემა THAAD-ი. პენტაგონმა 13 ოქტომბერს გამოაცხადა, რომ ისრაელში THAAD-ის ბატარეა განთავსდება. ...