ისრაელის ავიაციამ 16 ოქტომბერს, დილით, იერიში მიიტანა ლიბანის დედაქალაქის სამხრეთ ნაწილზე, აცნობეს სააგენტო Reuters-ს თვითმხილველებმა. თავდასხმა მოხდა რამდენიმე საათში მას მერე, რაც აშშ-მა გამოაცხადა, რომ წინააღმდეგია ისრაელის მხრიდან ბეირუთზე ამ მასშტაბის დარტყმებისა, დაღუპულთა რაოდენობის ზრდის და ირანის ჩართვით დაძაბულობის გაფართოების საშიშროების ფონზე. Reuters-ის მოწმეებმა გაიგონეს აფეთქების ხმა და დაინახეს ამომავალი კვამლი. თავდასხმა მოხდა მას მერე, რაც ისრაელის სამხედროებმა ამ რაიონიდან მოსახლეობის ევაკუაციის ბრძანება გასცეს. გაეროს ლტოლვილთა უწყების თანახმად, ისრაელის მიერ ლიბანის ტერიტორიაზე გამოცხადებული ევაკუაცია ქვეყნის მეოთხედზე მეტს ეხება, ამ ქვეყნის სამხრეთში ისრაელის მიერ დაწყებული შეჭრის შემდეგ, რასაც ისრაელი ჰეზბოლას შევიწროებას უწოდებს. 15 ოქტომბერს აშშ-ის სახელმწიფო დეპარტამენტის წარმომადგენელმა მეთიუ მილერმა განაცხადა, რომ აშშ-მა ისრაელის პრემიერ-მინისტრს, ბენიამინ ნეთანიაჰუს, ბოლო ხნის დაბომბვების გამო თავისი შეშფოთების შესახებ აცნობა. ჰეზბოლა აშშ-ში ტერორისტულ დაჯგუფებადაა აღიარებული, ევროკავშირში ტერორისტულად მიიჩნევენ მის სამხედრო ფრთას. ლიბანში ჰეზბოლა მოქმედებს, როგორც კანონიერი პოლიტიკური ძალა და პარლამენტშია წარმოდგენილი. იგი ლიბანის სამხრეთის დიდ ნაწილს აკონტროლებს. ასევე ნახეთ 20-ზე მეტი ადამიანი დაიღუპა ლიბანის ერთ-ერთ სოფელზე ისრაელის ავიადარტყმის შედეგად ...