რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ კომენტარი გააკეთა „გამარჯვების გეგმაზე“, რომელიც უკრაინის პრეზიდენტმა ვოლოდიმირ ზელენსკიმ წარუდგინა ვერხოვნა რადას. ზახაროვამ პრესისთვის პუნქტების მიხედვით დაწვრილებით გაარჩია ზელენსკის გეგმა. ასევე ნახეთ ვოლოდიმირ ზელენსკიმ "გამარჯვების გეგმა" წარუდგინა ვერხოვნა რადას უკრაინის თავდაცვის გამაგრების შესახებ ზელენსკის გეგმაზე მან თქვა: „ზელენსკის ამის მიღწევა სურს, მისი თქმით, წერტილოვანი ოპერაციებით გარკვეულ ადგილებზე. რატომ მოერიდა ამ გარკვეული ადგილების დასახელებას? როგორ სურს ამის მიღწევა? პარტნიორებთან ერთად რუსეთის ავიაციისთვის ზარალის მიყენებით. ანუ ის ნატოელებს უბიძგებს ჩვენს ქვეყანასთან პირდაპირი კონფლიქტისკენ და კვლავ ითხოვს იმას, რომ მიიღოს შორ მანძილზე მოქმედი იარაღის რუსეთის ტერიტორიაზე გამოყენების უფლება, მაშინ, როცა მშვენივრად ესმის, ყოველ შემთხვევაში, მათ, ვინც მას ეს დაუწერა, გაცნობიერებული ჰქონდათ, რას გამოიწვევს ეს. ვინაიდან ზუსტად ერთი კვირის წინ შესაბამისი განცხადებები გაკეთდა რუსეთის ხელმძღვანელობის მისამართით,“ თქვა ზახაროვამ. როგორც BBC შენიშნავს, ომში დასავლეთის ჩათრევის თეზისი ოთხშაბათს წამოაყენეს რუსეთის ხელისუფლების სხვა წარმომადგენლებმაც. კერძოდ, ამის შესახებ ადრე წერდა რუსეთის ლიბერალურ-დემოკრატიული პარტიის ლიდერი, დეპუტატი ლეონიდ სლუცკი, რომელიც სახელმწიფო დუმის საერთაშორისო საქმეების კომიტეტს ხელმძღვანელობს. ასევე ნახეთ ინტერაქტიური რუკა: უკრაინის ჯარების შესვლა კურსკის ოლქში უკრაინის პრეზიდენტი ვოლოდიმირ ზელენსკი ოთხშაბათს გამოვიდა უკრაინის უმაღლეს რადაში და დეპუტატებს წარუდგინა ე.წ. გამარჯვების გეგმა - ზომების კომპლექსი, რომელიც, კიევის აზრით, ხელს შეუწყობს რუსეთის იძულებას, დაასრულოს თავისი აგრესია უკრაინის წინააღმდეგ. მანამდე მან თავისი წინადადებები წარუდგინა აშშ-ის პრეზიდენტ ჯო ბაიდენს და სხვა დასავლელ ლიდერებს. დასავლეთის ქვეყნებს ჯერ არ გაუკეთებიათ ოფიციალური კომენტარი „გამარჯვების გეგმაზე“ და აცხადებენ, რომ მზად არიან, როგორც ადრე, მხარი დაუჭირონ უკრაინას თავდაცვით ომში. არაერთი დასავლური მედია წყაროებზე დაყრდნობით წერს, რომ ვაშინგტონში და სხვა დედაქალაქებში სკეპტიკურად აფასებენ ამ გეგმას, რომელსაც უფრო სურვილების სიად განიხილავენ. ამასთან, ცნობილია, რომ შეერთებული შტატები და სხვა ქვეყნები აგრძელებენ დისკუსიებს, კერძოდ, შეიძლება თუ არა მიეცეს უკრაინას რუსეთის ტერიტორიაზე შორი მოქმედების იარაღით დარტყმის ნებართვა. ...