ამერიკის შეერთებული შტატების პრეზიდენტობის რესპუბლიკელმა კანდიდატმა, ექსპრეზიდენტმა დონალდ ტრამპმა უკრაინაში რუსეთის ფართომასშტაბიანი შეჭრის გამო პასუხისმგებლობა უკრაინის და აშშ-ის პრეზიდენტებს, ვოლოდიმირ ზელენსკის და ჯო ბაიდენს დააკისრა. ამერიკელი კომენტატორის, პატრიკ ბეტ-დევიდის პოდკასტში, რომელიც Youtube-ის არხზე 17 ოქტომბერს გავიდა, ტრამპმა განაცხადა, რომ ბაიდენმა ომის პროვოცირება გამოიწვია, ზელენსკიმ კი ომის დაწყება დაუშვა. ტრამპის თანახმად, უკრაინელებს თანაუგრძნობს და მათი დახმარება სურს, მაგრამ ზელენსკის არ უნდა დაეშვა ამ წამგებიანი ომის დაწყება. აშშ-ის პრეზიდენტობის კანდიდატმა ისევ გაიმეორა ადრე ნათქვამი, რომ უკრაინის პრეზიდენტი ერთ-ერთი ყველაზე გამორჩეული ვაჭარია, ვინც ოდესმე უნახავს, რადგან ამერიკისგან იმდენი ფული არავის მიუღია, რამდენიც ზელენსკიმ წაიღო. ტრამპის განცხადებებმა დასავლეთის არაერთ მედიასაშუალებას და კომენტატორს გაუმყარა ეჭვი, რომ 5 ნოემბრის საპრეზიდენტო არჩევნებში გამარჯვების შემთხვევაში დონალდ ტრამპი რადიკალურად შეცვლის უკრაინისადმი აშშ-ის პოლიტიკას. ასევე ნახეთ ტრამპი აცხადებს, რომ აშშ-ს უკრაინის ომიდან გაიყვანს ასევე ნახეთ ტრამპი აცხადებს, რომ უკრაინისთვის "სამართლიან მშვიდობას“ ემხრობა ამერიკის შეერთებული შტატების პრეზიდენტობის რესპუბლიკელ კანდიდატ დონალდ ტრამპს, რომელსაც ოპონენტები რუსეთის პრეზიდენტ პუტინისადმი დადებით დამოკიდებულებაში ადანაშაულებენ, არაერთხელ უთქვამს, რომ უკრაინაში ომის სწრაფად დასრულება შეუძლია, თუმცა კონკრეტული გეგმა არ წარუდგენია. დემოკრატები მწვავედ აკრიტიკებენ უკრაინის შესახებ ტრამპის პოზიციას. პრეზიდენტობის კანდიდატ კამალა ჰარისის საარჩევნო შტაბის განცხადებით, თუ აშშ უკრაინას მიატოვებს, პუტინი კიევში იჯდება და მზერა მიპყრობილი ექნება დანარჩენი ევროპისა და ამერიკის ნატოელი მოკავშირეებისკენ. უკრაინაში რუსეთის ფართომასშტაბიანი შეჭრის გამო შეერთებულმა შტატებმა უკრაინას უკვე 55 მილიარდ დოლარზე მეტის სამხედრო დახმარება გაუწია. 2024 წლის სექტემბრის ბოლოს უკრაინის პრეზიდენტი ვოლოდიმირ ზელენსკი დონალდ ტრამპს ნიუ-იორკში შეხვდა და „გამარჯვების გეგმა“ გააცნო. ასევე ნახეთ ზელენსკიმ ევროკავშირის ლიდერებს "გამარჯვების გეგმა" წარუდგინა ...