ამჟამად უკრაინაში ომში მონაწილეობის მისაღებად რუსეთის აღმოსავლეთში მომზადებას გადის დაახლოებით 11 ათასი ჩრდილოკორეელი ქვეითი, იტყობინება უკრაინის თავდაცვის სამინისტროს დაზვერვის მთავარი სამმართველოს ხელმძღვანელი კირილო ბუდანოვი. „ისინი 1 ნოემბრისთვის იქნებიან მზად,“ განაცხადა ბუდანოვმა The War Zone-ისთვის მიცემულ ინტერვიუში. რუსეთი უარყოფს კორეის სახალხო-დემოკრატიული რესპუბლიკის რაიმე სახით მონაწილეობას უკრაინის წინააღმდეგ ომში. გუშინ ბრიუსელში ვიზიტისას უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინის წინააღმდეგ შეიძლება ამოქმედდეს 10 ათასი ჩრდილოკორეელი ჯარისკაცი. ბუდანოვი ამბობს, რომ ჩრდილოეთ კორეის ჯარები რუსეთის აღჭურვილობასა და საბრძოლო მასალას გამოიყენებენ. მისი თქმით, 2600-კაციანი პირველი ჯგუფი თითქოს გაემგზავრება კურსკის ოლქში, რომლის ნაწილი უკრაინის ჯარებმა დაიკავეს აგვისტოში. ასევე ნახეთ ინტერაქტიური რუკა: უკრაინის ჯარების შესვლა კურსკის ოლქში სამხრეთმა კორეამ პარასკევს განაცხადა, რომ ჩრდილოეთ კორეის ჯარების რუსეთში გაგზავნა სერიოზულ მუქარას წარმოადგენს საერთაშორისო უსაფრთხოებისთვის და რომ სეული ყოველი ხელმისაწვდომი საშუალებით მოახდენს რეაგირებას. ამის შესახებ ლაპარაკია ქვეყნის პრეზიდენტის ადმინისტრაციის განცხადებაში. ასევე ნახეთ ზელენსკიმ ევროკავშირის ლიდერებს "გამარჯვების გეგმა" წარუდგინა ...