საქმე ეხება 2024 წლის 9 თებერვალს, რუსთავში მდებარე ე.წ. სტამბოლის ბაზრის ტერიტორიაზე მომხდარ მკვლელობას, რასაც ოთხი ადამიანის სიცოცხლე ემსხვერპლა. პროკურატურის განცხადებით, ბრალდებულმა, შურისძიების მოტივით, მისი ძმის სახელზე რეგისტრირებული ცეცხლსასროლი იარაღიდან რამდენიმე გასროლით ხუთ დაზარალებულს სიცოცხლისთვის სახიფათო დაზიანებები მიაყენა, რის შედეგადაც ოთხი დაზარალებული ადგილზე გარდაიცვალა, ხოლო ერთის გადარჩენა დროულად გაწეული სამედიცინო დახმარების შედეგად მოხერხდა. სამართალდამცველებმა ბრალდებული 9 თებერვალს დააკავეს. მას ბრალდება განზრახ მკვლელობასა და ორი ან მეტი პირის მიმართ ჩადენილ განზრახ მკვლელობის მცდელობას [საქართველოს სისხლის სამართლის კოდექსის 109-ე მუხლის „ბ“ და ,,ლ’’ ქვეპუნქტები და 19, 109-ე მუხლის „ბ“ და ,,ლ’’ ქვეპუნქტები] ედავება. ასევე ნახეთ შსს: რუსთავის ბაზარში სროლისას ოთხი ადამიანია მოკლული მკვლელობიდან მეორე დღეს, 10 თებერვლის დილას სამართალდამცველებმა დააკავეს ახალგაზრდა კაცი, რომელიც 9 თებერვალს, რუსთავში, "სტამბოლის ბაზარში" მომხდარ მკვლელობაში ბრალდებულ გიორგი ორველაშვილის ძმაა. შსს-ს ცნობით, მკვლელობის იარაღი, გლუვლულიანი თოფი, სწორედ დაკავებულს, ბრალდებულის ძმას ეკუთვნოდა. მას გამოძიება სისხლის სამართლით გათვალისწინებულ დანაშაულს, ცეცხლსასროლი იარაღის დაუდევრად შენახვას ედავება. ასევე ნახეთ "სტამბოლის ბაზარში" მომხდარი მკვლელობის ფიგურანტებს წინასწარი პატიმრობა შეეფარდათ ...