ყაზანში დაგეგმილი BRICS-ის სამიტის ბოლო დღეს რუსეთის პრეზიდენტი ვლადიმირ პუტინი გეგმავს შეხვედრას გაეროს გენერალურ მდივან ანტონიუ გუტერეშთან, ამის შესახებ 21 ოქტომბერს იუწყება რუსეთის პრეზიდენტის თანაშემწე იური უშაკოვი. სამიტი 22-24 ოქტომბერსაა დაგეგმილი და მასში მონაწილეობას მიიღებენ რუსეთის, ბრაზილიის, ინდოეთის, ჩინეთის, სამხრეთ აფრიკისა და კიდევ რამდენიმე ქვეყნის ლიდერები. რუსეთი ამ სამიტს განიხილავს შესაძლებლობად, აჩვენოს, რომ დასავლეთის მცდელობამ, რუსეთი იზოლაციაში მოექცია უკრაინაში შეჭრის გამო, მარცხი განიცადა. პუტინისა და გუტერეშის შეხვედრა 24 ოქტომბერსაა დანიშნული - იმ ფონზე, როცა კიევის ან მოსკოვის მხრიდან არ იკვეთება ომის დასრულების მიზნით ფართომასშტაბიანი სამშვიდობო მოლაპარაკებისთვის მზადყოფნის ნიშნები. გუტერეში ხშირად აკრიტიკებს რუსეთის მოქმედებებს და აცხადებს, რომ მოსკოვის მხრიდან უკრაინაში წარმოებული ომი მსოფლიოს "სახიფათო პრეცედენტს" უქმნის. გაეროს ხელმძღვანელი გამოდის "სამართლიანი მშვიდობის" დამყარების მოწოდებით - მშვიდობისა, რომელიც დაეფუძნება საერთაშორისო სამართალს და უკრაინის ტერიტორიული მთლიანობის პრინციპს. ასევე ნახეთ ამერიკელი ჟურნალისტი ირწმუნება, რომ ექსპრეზიდენტი ტრამპი პუტინს არაერთხელ ესაუბრა ...