ლიბანის სახელმწიფო მედიის თანახმად, ისრაელმა 23 ოქტომბერს საჰაერო თავდასხმები განახორციელა ბეირუთის სამხრეთში, არეალზე, სადაც ჰეზბოლაა გამაგრებული. ისრაელის ომი ლიბანის წინააღმდეგ ერთი თვეა გრძელდება. ისრაელის მიერ განხორციელებული 17 იერიშის შედეგად განადგურდა ექვსი საცხოვრებელი შენობა. ამ თავდასხმების ღამე ერთ-ერთი ყველაზე სასტიკი იყო 23 სექტემბრის შემდეგ, როცა ისრაელმა ბეირუთის სამხრეთის დაბომბვა დაიწყო. AFP-ი იმოწმებს სირიის სახელმწიფო მედიას, რომელიც იტყობინება, რომ ისრაელმა დაარტყა საცხოვრებელ სახლს დამასკში და სამხედრო ობიექტს ჰომსში, რის შედეგადაც ერთი სამხედრო დაიღუპა და შვიდი დაშავდა. ისრაელმა ეს თავდასხმები განახორციელა მას მერე, რაც აშშ-ის სახელმწიფო მდივანი ენტონი ბლინკენი ისრაელში იყო ვიზიტად და მოკავშირე ქვეყანას ურჩია, თავიდან აირიდოს ირანთან შემდგომი ესკალაცია. პალესტინელთა ტერიტორიაზე, ღაზის სექტორში, ისრაელი ომს აწარმოებს ჰამასთან, რომელიც ტერორისტულ დაჯგუფებადაა მიჩნეული აშშ-სა და ევროკავშირში, ხოლო ლიბანში ის ებრძვის ჰეზბოლას, აშშ-ში ტერორისტულ დაჯგუფებად აღიარებულ ორგანიზაციას, რომლის მხოლოდ სამხედრო ფრთაა "შავ სიაში" შეტანილი ევროკავშირში. ჰეზბოლას პოლიტიკური ნაწილის წარმომადგენლები ლიბანის პარლამენტის წევრები არიან. ამ ორგანიზაციებს ირანი ეხმარება. ასევე ნახეთ ერთი ღამე, ორი მკვლელობა: რა შეიძლება მოჰყვეს ჰამასის და ჰეზბოლას ლიდერების მკვლელობას ...