24 ოქტომბერს ევროპარლამენტმა დაგმო ადამიანის უფლებების და საერთაშორისო კანონმდებლობის დარღვევა აზერბაიჯანის მხრიდან და განაცხადა, რომ ევროპამ უნდა დაასრულოს თავისი დამოკიდებულება მის გაზზე. მკაცრად ფორმულირებული რეზოლუციით, 453-მა პარლამენტარმა მხარი დაუჭირა განცხადებას, რომელიც გმობს აზერბაიჯანის მიერ აქტივისტების, ჟურნალისტებისა და ოპოზიციის ლიდერების წინააღმდეგ გატარებულ რეპრესიებს, რომლებიც "შესამჩნევად გახშირდა" კლიმატის საკითხებზე გაეროს კონფერენციის წინ, რომელიც მომავალ თვეში უნდა გაიმართოს ბაქოში. "აზერბაიჯანში ადამიანის უფლებების დარღვევები შეუთავსებელია მისი მხრიდან კლიმატის კონფერენციის მასპინძლობასთან. მოვუწოდებთ ევროკავშირის ლიდერებს, მათ შორის ევროკომისიის პრეზიდენტს, ურზულა ფონ დერ ლაიენს, ეს შეკრება გამოიყენონ ლაპარაკის შესაძლებლობად ამ სფეროში ამ ქვეყნის ხანგრძლივ ცუდ მაჩვენებელზე", - ვკითხულობთ ევროპარლამენტის განცხადებაში. ასევე ნახეთ გაეროს კლიმატის კონფერენცია COP29 აზერბაიჯანში გაიმართება. რა უნდა იცოდეთ ამის შესახებ? ...