უკრაინის სამხედრო დაზვერვის სამსახურმა 24 ოქტომბერს განაცხადა, რომ აქვს ინფორმაცია რუსეთის კურსკის რეგიონში ჩრდილოეთ კორეის სამხედროთა დისლოცირების შესახებ. სადაზვერვო ინფორმაციის თანახმად, ჩრდილოეთ კორეიდან პირველი დანაყოფები საბრძოლო ზონაში 23 ოქტომბერს ჩავიდნენ. დაზვერვის სამსახური ამბობს, რომ მათი ადგილზე ყოფნა "აღირიცხა რუსეთის ფედერაციის კურსკის რეგიონში", სასაზღვრო არეალში, სადაც აგვისტოში უკრაინის ძალები შევიდნენ. ამგვარი დისლოცირება ზრდის ალბათობას, რომ ჩრდილოეთ კორეის სამხედროები რუსეთის არმიას შეუერთდებიან უკრაინის ომში, რომელიც გამოიწვია უკრაინაში რუსეთის სრული მასშტაბით შეჭრამ 2022 წლის თებერვალში. ასევე ნახეთ რუსეთმა დაამტკიცა ჩრდილოეთ კორეასთან ხელშეკრულება სამხედრო დახმარების თაობაზე კრემლი ჩრდილოეთ კორეის სამხედროთა დისლოცირების შესახებ ინფორმაციას "ყალბ ცნობებს" უწოდებდა, მაგრამ რუსეთის პრეზიდენტმა ვლადიმირ პუტინმა 24 ოქტომბერს არ უარყო ჩრდილოეთ კორეის სამხედროების ამჟამად ყოფნა რუსეთში. ასევე ნახეთ პუტინმა კომენტარი გააკეთა ცნობებზე რუსეთში ჩრდილოეთ კორეის სამხედროთა ყოფნის თაობაზე ...