მარნეულის #69 საარჩევნო უბანზე საარჩევნო ყუთში კონვერტების ჩაყრას ბრიფინგზე გამოეხმაურა ცესკოს თავმჯდომარე გიორგი კალანდარიშვილი. მისი შეფასებით, ეს ფაქტი „იზოლირებულ შემთხვევას“ წარმოადგენს. „ვრცელდება მედია- და ინტერნეტსივრცეში ინფორმაცია იმის თაობაზე, რომ მარნეულის #69 საარჩევნო უბანზე განხორციელდა თითქოს საარჩევნო ბიულეტენების ჩაყრა საარჩევნო ყუთში. ეს არის შემაშფოთებელი ინფორმაცია და საარჩევნო ადმინისტრაცია არ დაუშვებს - ამ ინფორმაციის დადასტურების შემთხვევაში - იმის შესაძლებლობას, რომ ასეთმა იზოლირებულმა, მართულმა თუ მანიპულაციურმა შემთხვევებმა დააზიანოს ის მრავალთვიანი ძალისხმევა, რომელიც ჩვენ კენჭისყრის დღესთან მიმართებით ჩავდეთ“, - თქვა კალანდარიშვილმა. ცესკოს თავმჯდომარის ინფორმაციით, ფაქტზე გამოძიება დაიწყო შინაგან საქმეთა სამინისტრომ. კალანდარიშვილმა მარნეულის საოლქო კომისიას სათანადო გადაწყვეტილების მიღებისკენ მოუწოდა. „მე მინდა, სასწრაფო წესით, მოვუწოდო და მოვთხოვო მარნეულის საოლქო საარჩევნო კომისიას, გაერკვეს სიტუაციაში, მოიწვიოს კომისიის სხდომა და მიიღოს სათანადო გადაწყვეტილება. ჩვენ არ დავუშვებთ, რომ ასეთმა შემთხვევებმა, მიუხედავად იმისა, სანამ მოხდება ამ ფაქტის დადასტურება, რამდენადაც ჩემთვის ცნობილი გახდა, შსს-მ გამოძიება დაიწყო აღნიშნულ საკითხთან დაკავშირებით“, - თქვა გიორგი კალანდარიშვილმა. ასევე ნახეთ შსს-მ გამოძიება დაიწყო მარნეულში საარჩევნო ყუთში კონვერტების ჩაყრის ფაქტზე მარნეულის #69 საარჩევნო უბანი დაიხურა. renderExternalContent("https://www.youtube.com/embed/G5q0QULoELs?&&&fs=1&enablejsapi=1") 26 ოქტომბერს, 08:00 საათზე საქართველოში დაიწყო ხმის მიცემა საპარლამენტო არჩევნებში, რომელშიც 18 საარჩევნო სუბიექტი მონაწილეობს. საქართველოს ისტორიაში პირველად, ქვეყნის მოქალაქეები პარლამენტის 150 დეპუტატს მხოლოდ პროპორციული სისტემით ირჩევენ. პარლამენტის მანდატები განაწილდება იმ პოლიტიკურ პარტიებზე, რომლებიც მიიღებენ არჩევნებში მონაწილე ამომრჩეველთა ნამდვილი ხმების 5%-ს მაინც. ქვეყნის ისტორიაში პირველად ამომრჩეველთა თითქმის 90% ხმას ელექტრონული საშუალებების გამოყენებით აძლევს. ხმის უფლების მქონე მოქალაქე ბიულეტენზე მოცემული 18 პოლიტიკური პარტიიდან ირჩევს ერთს, რისთვისაც შესაბამისი პარტიის წინ არსებული წრის შიდა სივრცე უნდა გააფერადოს. ე.წ. ძველი წესით, ანუ სასურველი ერთი პარტიის ნომრის შემოხაზვით ხმას აძლევს ამომრჩევლების 10%. ეს ბიულეტენები კენჭისყრის დასრულების შემდეგ გაციფრულდება. 26 ოქტომბრის არჩევნებისთვის ამომრჩეველთა საერთო რაოდენობა 3 508 294-ია; ელექტრონული ტექნოლოგიების გამოყენებით ხმას მისცემს 3 113 747; გადასატანი ყუთის სიაში 64 238 ამომრჩეველია; უცხოეთის სახელმწიფოებში შექმნილი საარჩევნო უბნების ს...