„კოალიცია ცვლილებებისთვის“ ერთ-ერთმა ლიდერმა ნიკა მელიამ კომპანია Harris X-ის ეგზიტპოლის შედეგების კომენტირებისას განაცხადა, რომ ხალხმა დაამარცხა არა მხოლოდ „ქართული ოცნება“, არამედ ერთპიროვნული და ერთპარტიული მმართველობაც. „რა არ იკადრეს, რა არ გააკეთეს, რა ხერხებს არ მიმართეს, მაგრამ არ გამოუვიდათ. ქართველმა ხალხმა იყოჩაღა. პრაქტიკულად, 2012 წლის აქტივობა დაფიქსირდა. 2 მილიონზე მეტი ამომრჩეველი საარჩევნო უბნებზე მივიდა“, - განაცხადა ნიკა მელიამ. სამმა ქართულმა ტელეარხმა - „იმედმა“, „ფორმულამ“ და „მთავარმა“ - საპარლამენტო არჩევნები 2024-ისთვის ეგზიტპოლების შედეგები გამოაქვეყნა. „ფორმულის“ დაკვეთით კვლევა ჩაატარა „ედისონ რისერჩმა“, რომლის მიხედვითაც: "ქართული ოცნება" - 40,9%; "ერთიანობა - ნაციონალური მოძრაობა" - 16,7%; "კოალიცია ცვლილებისთვის" - 16,7%; "ძლიერი საქართველო" - 10,3% "გახარია საქართველოსთვის" - 8,2%; "გირჩი" - 2,3%; "პატრიოტთა ალიანსი" - 2%; "ლეიბორისტული პარტია" - 2%; სხვა - 0,9%. მთავარი არხის“ დაკვეთით კვლევა ჩაატარა HarrisX-მა, რომლის მიხედვითაც: "ქართული ოცნება" - 42%; "ერთიანობა - ნაციონალური მოძრაობა" - 13%; "კოალიცია ცვლილებისთვის" - 18%; "ძლიერი საქართველო" - 9%; "გახარია საქართველოსთვის" - 8%. „იმედის“ ეგზიტპოლი „გორბმა“ ჩაატარა. ამ კვლევის მიხედვით: "ქართული ოცნება" - 56,1%; "ერთიანობა - ნაციონალური მოძრაობა" - 11,6%; "კოალიცია ცვლილებისთვის" - 12,6%; "ძლიერი საქართველო" - 7%; "გახარია საქართველოსთვის" - 4,8%; "გირჩი" - 3%; "პატრიოტთა ალიანსი" - 2,2%; სხვა - 2,7%. ...