მან აღნიშნა, რომ მმართველმა გუნდმა კვლავ მყარი უმრავლესობა მოიპოვა. მდინარაძემ მადლობა გადაუხადა "ქართული ოცნების" ამომრჩევლებს, ვინც, მისი თქმით, მომავალზე პასუხისმგებლობა აიღო და მხარი დაუჭირა ქვეყნის ევროპულ, ტრადიციულ და ქრისტიანულ მომავალს. "როგორც უკვე იცით და ცესკოს საიტზეც გამოქვეყნდა მონაცემები, „ქართულმა ოცნებამ“ მოიპოვა მყარი უმრავლესობა. მე მინდა ძალიან დიდი მადლობა გადავუხადო თითოეულ ჩვენს ამომრჩეველს, თითოეულ ადამიანს, რომელმაც აიღო პასუხისმგებლობა მომავალზე, ევროპულ, ტრადიციულ, ქრისტიანულ მომავალზე და „ქართულ ოცნებას“ მხარი დაუჭირა. დიდი მადლობა მინდა გადავუხადო ყველას, ვინც მიიღო მონაწილეობა", - განაცხადა მამუკა მდინარაძემ, რომლის თქმითაც, მმართველი პარტია დანარჩენი უბნებიდან ელოდება შედეგების გაუმჯობესებას: „ეს შეიძლება იყოს 90-91 მანდატი. თუ მეტი არა. დასანანია, რადგან 100 მანდატს ველოდებოდით“. მამუკა მდინარაძემ ოპოზიციური პარტიების მოსალოდნელ რეაქციაზეც ილაპარაკა: „ალბათ დაიწყებენ ახლა, არ შევალთ პარლამენტშიო. ნუ შემოვლენ! <...> არჩევნებში ეროვნულმა ხელისუფლებამ გაიმარჯვა და ხალხმა. არასოდეს არ დავუშვებთ აგენტურის მოსვლას ხელისუფლებაში”. ცენტრალური საარჩევნო კომისიის თავმჯდომარემ გიორგი კალანდარიშვილმა საზოგადოებას 2206 საარჩევნო უბნის წინასწარი მონაცემები გააცნო. კერძოდ, 22.00 საათისათვის არსებული შედეგების მიხედვით, „ქართულ ოცნებას“ 52,99 პროცენტი აქვს (935 004 ხმა); რაც შეეხება ოთხ ოპოზიციურ გაერთიანებას, მათი მონაცემები ამ დროისთვის ჯამში 38.29 პროცენტს შეადგენს. „კოალიცია ცვლილებისთვის გვარამია, მელია, გირჩი, დროა“ - 11.2 % (197 619 ხმა); „ერთიანობა - ნაციონალური მოძრაობა“ – 9.83 პროცენტი ( 173 510 ხმა); ძლიერი საქართველო - ლელო, ხალხისთვის, თავისუფლებისთვის“ – 9.2% (159 306 ხმა); „გახარია საქართველოსთვის“ – 8.22 % (145 205 ხმა). ასევე ნახეთ ვინ გახდება 2024 წლის მოწვევის პარლამენტის დეპუტატი? - სავარაუდო სია ასევე ნახეთ 2024 წლის შედეგები: როგორ ნაწილდება მანდატები ცესკოს პირველადი მონაცემებით? ...