პარტიის თავმჯდომარემ თინა ბოკუჩავამ განაცხადა, რომ არ აპირებენ "მოპარული, მიტაცებული საარჩევნო შედეგის აღიარებას". "ერთიანობა - ნაციონალური მოძრაობის" სახელით ვაცხადებთ, რომ ჩვენ მოპარული, მიტაცებული არჩევნების შედეგებს არ ვიღებთ და ჩვენ ამ მოპარული მიტაცებული საარჩევნო შედეგის აღიარებას არ ვაპირებთ. დიდი იმედი გვაქვს, რომ ამგვარი პოზიცია იქნება სრულიად ოპოზიციურ ველზე", - თქვა თინა ბოკუჩავამ. მან ასევე აღნიშნა, რომ ცესკომ შეასრულა ივანიშვილის "ბინძური დაკვეთა" და გამოაცხადეს შედეგები, რომლებიც აჩვენებს, რომ "ოლიგარქმა ივანიშვილმა ქართველ ხალხს გამარჯვება მოჰპარა". "ისტორიული არჩევნები იყო ქართველი ხალხის გამარჯვება და რჩება ქართველი ხალხის გამარჯვებად. ეს აჩვენა საერთაშორისო ორგანიზაციების მიერ ჩატარებულმა ეგზიტპოლებმა, სადაც დიდი უპირატესობთ გამოჩნდა პროევროპული, პროდასავლური ოპოზიციის გამარჯვება. მაგრამ ჩვენ ვხედავთ, რომ ცესკომ შეასრულა ივანიშვილის ბინძური დაკვეთა და გამოაცხადეს შედეგები, რომელიც აჩვენებს, რომ ოლიგარქმა ივანიშვილმა ქართველ ხალხს გამარჯვება მოჰპარა და ამით მოჰპარა ევროპული მომავალი", - განაცხადა ბოკუჩავამ ბრიფინგზე. მანვე აღნიშნა, რომ უახლოეს საათებში გააკეთებენ განცხადებას იმასთან დაკავშირებით, როგორ იმოქმედებენ საარჩევნო შედეგის დასაცავად. მანამდე ოპოზიციურმა გაერთიანებებმა, "ერთიანობა - ნაციონალურმა მოძრაობამ", "ძლიერმა საქართველომ" და "მოძრაობამ ცვლილებისთვის" საერთო კონსულტაციები გამართეს. 22 საათისთვის ცენტრალურმა საარჩევნო კომისიამ 3 111 საარჩევნო უბნიდან 2 251-ის ელექტრონულად დათვლილი წინასწარი შედეგები გამოაქვეყნა. ამ შედეგების თანახმად, „ქართულმა ოცნებამ“ ხმათა 53,064% დააგროვა. три ...