"ჩვენ ყველა ერთად ვამბობთ, რომ ეს არჩევნები არის გაყალბებული და შედეგები არალეგიტიმური. ჩვენ არ ვაპირებთ ქართველი ხალხისთვის მოპარული ხმების ლეგიტიმაციას, ჩვენ საკუთარ საპარლამენტო მანდატებზე ვამბობთ უარს. მე, ნანა მალაშხია, სიის პირველი ნომერი, პოლიტიკაში შემოვედი იდეებისათვის და ამ ქვეყნის ინტერესების დასაცავად. ამიტომ მე დღეს ვამბობ უარს ჩემს საპარლამენტო მანდატზე", - თქვა მან ბრიფინგზე. მანამდე, კოალიციის ერთ-ერთმა ლიდერმა ნიკა გვარამიამ განაცხადა, რომ მათი გაერთიანება, სხვა ოპოზიციურ პარტიებთან ერთად, გეგმავს, დაიცვას არჩევნებზე მიღებული ხმები. გვარამიამ აღნიშნა, რომ მჭიდრო კომუნიკაცია აქვთ საქართველოს პრეზიდენტ სალომე ზურაბიშვილთან და დღის განმავლობაში ისევ გეგმავენ მასთან შეხვედრას. ასევე ნახეთ არჩევნები 2024 - ლაივბლოგი "ოთხმა ოპოზიციურმა პარტიამ მოვიპოვეთ უმრავლესობა და ვგეგმავთ, ამ ხმების შენარჩუნებისთვის ვიბრძოლოთ. მიუკერძოებელ გარემოში, სადაც შეუძლებელი იყო არჩევნებში ჩარევა, უკლებლივ ყველგან, აზერბაიჯანის და თურქეთის გარდა, გაიმარჯვა ქართულმა ოპოზიციამ, ყველგან "კოალიცია ცვლილებისთვის" არის პირველ ადგილზე მნიშვნელოვანი უპირატესობით", - თქვა გვარამიამ. მანვე დაამატა, რომ არსებობს ოპოზიციის გეგმაც და ის არის "სრულმასშტაბიანი დაუმორჩილებლობა იმ მიზეზით და იმ მიზნით, რომ საქართველომ დაიბრუნოს ხალხის ნება და დაიბრუნოს სამართლიანი არჩევნები". ასევე ნახეთ „ძლიერი საქართველო“ არჩევნების შედეგებს არ აღიარებს და მას „პოლიტიკურ ტრეფიკინგს“ უწოდებს საქართველოს ცენტრალურმა საარჩევნო კომისიამ 27 ოქტომბრის 16:00 საათისთვის საარჩევნო უბნების თითქმის 100 პროცენტი დათვალა. ხმები ასე გადანაწილდა: "ქართული ოცნება" - 53,93%; "კოალიცია ცვლილებისთვის" - 11,03%; "ერთიანობა - ნაციონალური მოძრაობა" - 10,161%; "ძლიერი საქართველო" - 8,814%; "გახარია საქართველოსთვის" - 7,771%. ცესკოს ცნობით, არჩევნებზე აქტივობამ 58,94% შეადგინა, არჩევნებში მონაწილეობა 2 060 412-მა ამომრჩეველმა მიიღო. ასევე ნახეთ „ზეწოლისა და დაშინების კლიმატი... იყო ასეთი შეგრძნება - „დიდი ძმა გიყურებს“. OSCE/ODHIR, PACE არჩევნებს აჯამებს ასევე ნახეთ NDI და IRI საქართველოში არჩევნებს აჯამებენ ...