ევროკავშირის უმაღლესი წარმომადგენელი ჟოზეპ ბორელი ესპანურენოვან საზოგადოებრივ რადიოსთან ინტერვიუში გამოეხმაურა უნგრეთის პრემიერ-მინისტრის, ვიქტორ ორბანის საქართველოში ვიზიტს, რომელიც 28-29 ოქტომბერს გაიმართება. ჯოზეპ ბორელი ამბობს: "ორბანი დღეს მიემგზავრება საქართველოში... სავარაუდოდ, რომ გამოხატოს თავისი მხარდაჭერა საქართველოს მთავრობის მიმართ... ორბანმა საქართველოში ვიზიტის ფარგლებში რაც არ უნდა თქვას, ის ევროკავშირს არ წარმოადგენს". ორბანის ვიზიტის შესახებ გერმანულ მაუწყებელთან, DW-სთან, კომენტარს აკეთებს საქართველოს პრეზიდენტი სალომე ზურაბიშვილი. DW: ამ საღამოს უნგრეთის პრემიერ-მინისტრი ჩამოდის. უნგრეთი ამჟამად ევროკავშირის მორიგე თავმჯდომარე სახელმწიფოა. ორბანმა უკვე მიულოცა „ქართულ ოცნებას“ არჩევნებში გამარჯვება, რას იტყვით მისი ვიზიტის შესახებ? სალომე ზურაბიშვილი: არ მგონია, რომ მას რაიმე მანდატი აქვს ევროკავშირისგან და, მგონი, რომ ეს ძალიან ნათელია საქართველოს მოსახლეობისთვის, რომელსაც მაღალი პოლიტიკური ცნობიერება აქვს და იცის, რომ თუკი ის ჩამოდის, ჩამოდის მხოლოდ როგორც მმართველი უმრავლესობის მეგობარი, რათა ფსიქოლოგიური ზეწოლა მოახდინონ მოსახლეობაზე. მაგრამ ჩვენ უფრო გამძლეები ვართ. უნგრეთის პრემიერ-მინისტრის საქართველოში ვიზიტის შესახებ პლატფორმა X-ზე წერს საქართველოში გერმანიის ელჩი პეტერ ფიშერი: "დამაზუსტებელი გზავნილი ქართველი მეგობრებისთვის. როდესაც უნგრეთის პრემიერ-მინისტრი ჩამოვა თბილისში, ის ილაპარაკებს უნგრეთის ხელისუფლების და არა ევროკავშირის სახელით". три 27 ოქტომბერს, არჩევნების მეორე დღეს, საქართველოს მთავრობის ადმინისტრაციამ გაავრცელა ცნობა უნგრეთის პრემიერ-მინისტრის, ვიქტორ ორბანის საქართველოში ვიზიტის შესახებ. უწყების ცნობით, 29 ოქტომბერს საქართველოს მთავრობის ადმინისტრაციაში პრემიერ-მინისტრ ორბანის დახვედრის ოფიციალური ცერემონია გაიმართება. მთავრობის ადმინისტრაციის თანახმად, დღის წესრიგის მიხედვით, შედგება შეხვედრები პირისპირ და გაფართოებულ ფორმატში, რის შემდეგაც ირაკლი კობახიძე და ვიქტორ ორბანი მედიისთვის ერთობლივ განცხადებებს გააკეთებენ. უნგრეთის პრემიერ-მინისტრი საქართველოს ეწვევა სამთავრობო დელეგაციასთან ერთად, რომლის შემადგენლობაში იქნებიან უნგრეთის საგარეო საქმეთა და ვაჭრობის მინისტრი პიტერ სიიარტო, უნგრეთის ეკონომიკური განვითარების მინისტრი მარტონ ნადი, უნგრეთის ფინანსთა მინისტრი მიხაი ვარგა, სახელმწიფო მდივანი იანოშ მატე და სხვა ოფიციალური პირები. ვიქტორ ორბანის თვითმფრინავი თბილისის საერთაშორისო აეროპორტში დღეს, 28 ოქტომბერს,18:15 სთ-ზე დაეშვება. ვიქტორ ორბანი ერთ-ერთი პირველი ლიდერი იყო, ვინც "ქართულ ოცნებას" გამარჯვება ტელეკომპანია „იმედის“ ჩატარებული ეგზიტპოლის შედეგების გამოცხადების შემ...