„ჩვენ ვიცით, რას ნიშნავს ომი, იმიტომ რომ მეზობელ ქვეყანაში მიმდინარეობს. ვიცით ასევე, რამდენად მნიშვნელოვანია მშვიდობა. უნგრეთი არის მშვიდობისმოყვარე ქვეყანა ევროპაში და დიდად ვაფასებთ თქვენს მცდელობებს, რადგან თქვენც მშვიდობის მხარეს ხართ. არავის უნდა საკუთარი ქვეყნის დანგრევა და ომში ჩართვა. ამიტომ გვესმის გადაწყვეტილების, რომელიც ქართველმა ხალხმა მიიღო - მშვიდობის არჩევანი გააკეთა“, - თქვა ვიქტორ ორბანმა. მან საქართველოს პრემიერ-მინისტრს მისცა რჩევაც, როგორ უპასუხოს მოსალოდნელ კრიტიკას: „უნგრეთის პრემიერ-მინისტრის რანგში, რომელსაც ბევრი დავა მომიგია, მინდა გითხრათ, რომ მომავალშიც იქნება, მომდევნო ორი დღის განმავლობაში, მაგრამ ეს ისე უნდა იქნეს მიღებული, როგორც ხდება აქამდე. არჩევნების შედეგები უდავოა, თავისუფალი და დემოკრატიული არჩევნები ჩატარდა, მაგრამ დავა და კამათი მაინც იქნება ევროპაში, თქვენ ამას სერიოზულად არ უნდა შეხედოთ, რადგან ეს ჩვეული ამბავია. კამათი არსებობს მსგავსი სახის ბრიუსელში. როდესაც თავისი არსით კონსერვატიული პარტიები იგებენ, ჩვენ ყოველთვის ვხედავთ ასეთ კამათს. ევროპული პოლიტიკა არის სახელმძღვანელოზე დაფუძნებული: თუ ლიბერალები იმარჯვებენ, დემოკრატიაა, თუ კონსერვატორები - დემოკრატია არ ყოფილა.“ ასევე ნახეთ ვიქტორ ორბანი თბილისშია - სააკაშვილის ყოფილი მეგობარი „ოცნების“ გამარჯვებას ზეიმობს იმის მიუხედავად, რომ ბოლო პერიოდის განმავლობაში პარტნიორები „ქართულ ოცნებას“ მუდმივად აკრიტიკებენ გადადგმული ნაბიჯების გამო, რადგან მიაჩნიათ, რომ ქვეყანამ ევროინტეგრაციის გზიდან გადაუხვია, ორბანი ამ საკითხს ასე არ ხედავს: „მიმაჩნია, რომ მმართველი პარტია ერთგულია ევროპული ინტეგრაციის, თქვენ ხართ ერთადერთი ქვეყანა მსოფლიოში, რომელსაც კონსტიტუციაში უწერია, რომ ყველა მთავრობამ ძალისხმევა არ უნდა მოაკლოს ევროკავშირში გაწევრიანებას“. საქართველოს პრემიერ-მინისტრმა ირაკლი კობახიძემ კი თქვა, რომ უნგრეთის ევროკავშირის საბჭოს თავმჯდომარეობის პერიოდში ვიქტორ ორბანის ვიზიტი საქართველოში, განსაკუთრებული დატვირთვის მატარებელია: „ჩვენი უმთავრესი საგარეო პოლიტიკური პრიორიტეტი არის ევროკავშირში ინტეგრაცია. ამ თვალსაზრისით უნგრეთს ძალიან დიდი მნიშვნელობა ენიჭება“. три გუშინ, 28 ოქტომბერს, საქართველოს ორდღიანი ვიზიტით ეწვია უნგრეთის პრემიერ-მინისტრი ვიქტორ ორბანი. ის საქართველოში ჩამოვიდა სამთავრობო დელეგაციასთან ერთად. ვიქტორ ორბანი ერთ-ერთი პირველი ლიდერი იყო, ვინც "ქართულ ოცნებას" გამარჯვება ტელეკომპანია „იმედის“ ჩატარებული ეგზიტპოლის შედეგების გამოცხადების შემდეგ მიულოცა. მან ამის შესახებ განცხადება პლატფორმა X-ზე გამოაქვეყნა. 2012 წელს, საპარლამენტო არჩევნებამდე ოთხი დღით ადრე, ორბანმა, რომელიც საქართველოში ორდღიანი ვიზიტით იმყოფებოდ...