ამის შესახებ მან ევროკავშირის კომისრის გაფართოებისა და სამეზობლო პოლიტიკის საკითხებში, ოლივერ ვარჰეისთან ერთად გამართულ პრესკონფერენციაზე განაცხადა, სადაც მათ ყოველწლიური გაფართოების ანგარიში წარადგინეს. "საქართველში ჩატარდა საპარლამენტო არჩევნები, რომელიც გამორჩეოდა სერიოზული დარღვევებით, ამას სჭირდება დამოუკიდებელი და გამჭვირვალე გამოძიება. მნიშვნელოვანია აღინიშნოს, რომ დამოუკიდებელ დამკვირვებლებს არ გამოუცხადებიათ არჩევნები სამართლიანად და თავისუფლად, არც ამის საწინააღმდეგო უთქვამთ. ასე, რომ ჩვენ ვართ იმ ზონაში, რომელიც მოითხოვს გამოძიებას, რათა გაირკვეს რა მოხდა და როგორ შეეძლო ამ ყველაფერს არჩევნების შედეგებზე ემოქმედა", - განაცხადა ბორელმა. три მისივე სიტყვებით, ბოლო თვეების განმავლობაში საქართველოს ხელისუფლებამ დააშორა ქვეყანა ევროკავშირს, მის ღირებულებებსა და პრინციპებს. "ჩვენი ანგარიშით, საქართველოს ვთავაზობთ ევროკავშირთან ხელახლა დაახლოების მკაფიო გზას, თუკი იქნება საქართველოს ხელისუფლების პოლიტიკური ნება. ეს არის "უცხოური გავლენის შესახებ კანონის" გაუქმება, რასაც აქვს მსუსხავი ეფექტი სამოქალაქო საზოგადოებასა და მედია ორგანიზაციებზე, ასევე ე.წ. ოჯახური ღირებულებების შესახებ კანონის გაუქმება. დისკრიმინაცია არ არის ღირებულება ჩვენს ევროპულ ოჯახში... ძალიან მნიშვნელოვანია თვალყური ადევნოთ მომდევნო დღეებში განვითარებულ მოვლენებს იმ დარღვევების გამოძიებისა და გარკვევის შესახებ, რაც დაფიქსირდა საარჩევნო, სადამკვირვებლო ჯგუფების მიერ", - განაცხადა ჟოზეპ ბორელმა პრესკონფერენციაზე. ასევე ნახეთ თუ საქართველო კურსს არ შეცვლის, ევროკომისია შესვლის მოლაპარაკებების დაწყების რეკომენდაციას არ გასცემს - გაფართოების ანგარიში ევროკავშირის ყოველწლიური გაფართოების ანგარიშიდან ცნობილი ხდება, რომ ევროკომისია არ აპირებს, საქართველოსთან ევროკავშირში შესვლის მოლაპარაკებების დაწყების რეკომენდაცია გასცეს. დოკუმენტში საუბარია 26 ოქტომბრის არჩევნებზეც და ხაზგასმულია ის დარღვევები, რომელთა ფონზეც ხმის მიცემამ ჩაიარა. დოკუმენტში, რომელიც რადიო თავისუფლებამ საჯაროდ გამოქვეყნებამდე ნახა, ამის მიზეზად საქართველოს ხელისუფლების კურსი არის დასახელებული. ევროკომისია დასძენს, რომ საჭირო რეფორმების გატარების სანაცვლოდ, საქართველოს მთავრობის პოლიტიკამ ქვეყნის ევროინტეგრაციის პროცესს „მძიმე ზიანი მიაყენა“: „მნიშვნელოვანმა ნეგატიურმა მოვლენებმა, უცხოეთის გავლენის გამჭვირვალობის კანონის და „ოჯახური ღირებულებებისა და არასრულწლოვანების დაცვის“ საკანონმდებლო პაკეტის მიღებამ, ისევე, როგორც ქართველი თანამდებობის პირების მკვეთრმა ევროკავშირის საწინააღმდეგო ნარატივებმა, მძიმე ზიანი მიაყენა საქართველოს ევროპულ ტრაექტორიას. შედეგად, საქართველოს [ევ...