წინასაარჩევნო პერიოდში და არჩევნების დღეს ჩადენილი სავარაუდო დანაშაულების ფაქტებზე, პროკურატურის თანახმად, გამოძიება 47 სისხლის სამართლის საქმეზე მიმდინარეობს სხვადასხვა უწყებაში, მათ შორის პროკურატურაში, შინაგან საქმეთა სამინისტროსა და სპეციალურ საგამოძიებო სამსახურში. ამასთან, პროკურატურა იუწყება, რომ გამოძიებასთან არ თანამშრომლობენ და ინფორმაციის მიწოდებაზე უარს ამბობენ ის ადამიანები, რომლებიც საჯაროდ აცხადებენ, რომ ფლობენ ინფორმაციას და მტკიცებულებებს არჩევნების პროცესში ჩადენილ სავარაუდო დანაშაულებთან დაკავშირებით. პროკურატურა ჩამოთვლის, რა კატეგორიის სავარაუდო დარღვევებზეა აღძრული სისხლის სამართლის 47 საქმე. "არჩევნების გაყალბების, ამომრჩევლის ნებაზე ზეგავლენის, საარჩევნო ხმის ფარულობის დარღვევის, ამომრჩევლის მოსყიდვის, ჟურნალისტური საქმიანობის ხელშეშლის, საარჩევნო კომისიის განთავსების ადგილას ან წინასაარჩევნო აგიტაციისას ძალადობის და მუქარის, ნივთის დაზიანების და განადგურების კვალიფიკაციით". გამოძიებების დაწყებას საფუძვლად დაედო ოპოზიციური და მმართველი პარტიების, ცენტრალური საარჩევნო კომისიისა და არასამთავრობო ორგანიზაციების მიმართვები, ასევე მედიით გავრცელებული ინფორმაცია. ოპოზიციური პოლიტიკური პარტიების წარმომადგენლები ამბობენ, რომ არ აპირებენ საგამოძიებო უწყებებთან თანამშრომლობას, ვინაიდან მათ არ ენდობიან. როგორც, მაგალითად, „ერთიანობა - ნაციონალური მოძრაობის“ თავმჯდომარემ თინა ბოკუჩავამ განაცხადა, არანაირ თანამშრომლობას არ აპირებს "ივანიშვილის ჯიბის პროკურატურასთან, რომელიც თანამონაწილეა რუსულ სპეცოპერაციაში ქართველი ხალხის წინააღმდეგ, სადაც ხალხს არჩევნები და ევროპული მომავალი მოჰპარეს!" დღეს, 31 ოქტომბერს, შინაგან საქმეთა სამინისტრომ გაავრცელა ინფორმაცია მარნეულის საკრებულოს თავმჯდომარის მოადგილის, როვშან ისკანდაროვისა და კიდევ ერთი ადამიანის დაკავების შესახებ. მათ ბრალად ედებათ კანონმდებლობის დარღვევით საარჩევნო ყუთში ბიულეტენების მოთავსება. ასევე ნახეთ საარჩევნო ყუთში ბიულეტენების ჩაყრისთვის ორი პირი დააკავეს ასევე ნახეთ ისკანდაროვი ამბობს, რომ საარჩევნო ურნაში ბიულეტენები ოპოზიციის პროვოკაციის გამო ჩაყარა საპარლამენტო არჩევნების სავარაუდო გაყალბების ფაქტზე დაწყებული გამოძიების ფარგლებში, საქართველოს პროკურატურამ საქმეზე გამოსაკითხად დაიბარა საქართველოს პრეზიდენტიც. ასევე ნახეთ პრეზიდენტი გამოკითხვაზეა დაბარებული - პროკურატურამ არჩევნების სავარაუდო გაყალბებაზე გამოძიება დაიწყო სალომე ზურაბიშვილმა 30 ოქტომბერს განაცხადა, რომ "არ გაუგია, საგამოძიებო უწყებამ არჩევნებზე პრეზიდენტს სთხოვოს მტკიცებულებები". მან პროკურატურას შეახსენა, რომ ხალხის წინაშეა ანგარიშვ...