31 ოქტომბერს, ცენტრალურ საარჩევნო კომისიაში გამართულ ბრიფინგზე წარმოადგინეს საოლქო კომისიებში შეტანილი საჩივრების სტატისტიკა. ცესკოს იურიდიული დეპარტამენტის უფროსმა გიორგი სანტურიანმა განაცხადა, რომ 26 ოქტომბრის საპარლამენტი არჩევნებთან დაკავშირებით სულ წარმოდგენილია 652 საჩივარი. "აქედან 7 საჩივარი შეეხება ისეთ შემთხვევას, სადაც საჩივრის ავტორი მიუთითებს გაფერადების შემდგომ ბიულეტენის მეორე მხარეს შესაბამისი მონიშვნის არსებობაზე", რაც, სატურიანის თქმით, “ადასტურებს, რომ კენჭისყრის დღეს აღნიშნული საკითხი, როგორც პრობლემა, არ იყო იდენტიციფირებული”. რაც შეეხება სხვა საჩივრებს: გადათვლა-ბათილობასთან დაკავშირებით წარმოდგენილია 544 საჩივარი; დისციპლინური პასუხისმგებლობის დაკისრების მოთხოვნით - 428; მოთხოვნის გარეშე - 47; ქმედების განხორციელების დავალების თაობაზე - 151. სულ გადაითვალა 366 საარჩევნო უბანი, 334 საარჩევნო უბანზე კენჭისყრის შედეგები არ შეცვლილა, დარჩენილ 32 უბანზე კი მხოლოდ მცირედით შეიცვალა. განსხვავებული აზრი ფიქსირდება მხოლოდ 9 შემაჯამებელ ოქმში, რაც წარმოადგენს მხოლოდ 0.02%-ს. საჩივრების განხილვის ბოლო ვადა საოლქო კომისიებში 3 ნოემბერია. ასევე ნახეთ ISFED 2024 წლის არჩევნებზე გამოვლენილი დარღვევების შესახებ ინფორმაციას აქვეყნებს „2024 წლის საპარლამენტო არჩევნების წინასაარჩევნო პერიოდში და არჩევნების დღეს გამოვლენილი ფუნდამენტური ხასიათის დარღვევების ერთობლიობამ გავლენა მოახდინა ამომრჩევლის თავისუფალი ნების გამოვლენაზე და, შესაბამისად, არჩევნების შედეგები ვერ განიხილება, როგორც საქართველოს ამომრჩევლის ნების გამოხატულება“, - აცხადებენ „სამართლიან არჩევნებში“, რომელსაც ასობით დამკვირვებელი ჰყავდა. არჩევნებზე დამკვირვებელი 30 ადგილობრივი ორგანიზაციისგან შემდგარმა კოალიცია "ჩემმა ხმამ", 246 საარჩევნო უბნის შედეგების ბათილობის მოთხოვნით საჩივრები წარადგინა 29 საარჩევნო ოლქში, სადაც რეგისტრირებულ ამომრჩეველთა რაოდენობა 417 305-ია. ასევე ნახეთ საია იმ საარჩევნო უბნების შედეგების ბათილად ცნობას ითხოვს, სადაც არჩევნები ელექტრონულად ჩატარდა თავის მხრივ, ყველა იმ საარჩევნო უბნის შედეგების ბათილად ცნობას ითხოვს „საქართველოს ახალგაზრდა იურისტთა ასოციაცია“, სადაც არჩევნები ელექტრონული სისტემით ჩატარდა - ლაპარაკია 2263 საარჩევნო უბანზე. ასევე ნახეთ კოალიცია "ჩემი ხმა" 246 საარჩევნო უბნის შედეგების გაბათილებას მოითხოვს წინასაარჩევნო პერიოდში და არჩევნების დღეს ჩადენილი სავარაუდო დანაშაულების ფაქტებზე, პროკურატურის თანახმად, გამოძიება 47 სისხლის სამართლის საქმეზე მიმდინარეობს სხვადასხვა უწყებაში, მათ შორის პროკურატურაში, შინაგან საქმეთა სამინისტროსა და სპეციალურ საგამოძიებო სა...