აშშ-ის დემოკრატიული პარტიის პრეზიდენტობის კანდიდატი კამალა ჰარისი ამბობს, რომ მისი რესპუბლიკელი მეტოქე დონალდ ტრამპი ჯანდაცვის პროგრამებს შეკვეცს, 5 ნოემბრის საპრეზიდენტო არჩევნებში გამარჯვების შემთხვევაში. ვიცე-პრეზიდენტმა ჰარისმა 31 ოქტომბერს ვისკონსინის ამომრჩევლებს შეახსენა, რომ ტრამპმა თავისი პრეზიდენტობის პერიოდში, 2017-2021 წლებში, წარუმატებლად სცადა "ხელმისაწვდომი ზრუნვის აქტის" სახელით ცნობილი ჯანდაცვის პროგრამის გაუქმება. "ამ არჩევნებზე დგას ყველა ამერიკელის ჯანდაცვის საკითხი", - უთხრა ჰარისმა ჟურნალისტებს. საპასუხოდ ტრამპმა თქვა, რომ არასდროს სურდა ამ პროგრამის გაუქმება. "არასოდეს მიხსენებია ეს ნაბიჯი, არც კი მიფიქრია ასეთ რამეზე", - დაწერა ტრამპმა პლატფორმა Truth Social-ზე. რეალურად, პრეზიდენტობის პერიოდში ტრამპი რამდენჯერმე შეეცადა "ხელმისაწვდომი ზრუნვის აქტის" გაუქმებას და 2020 წლის საარჩევნო კამპანიისას აცხადებდა, რომ ხელახალი არჩევის შემთხვევაში, ეს საკითხი მისთვის პრიორიტეტული იქნებოდა. три ასევე ნახეთ CNN-ის ბოლო გამოკითხვაში ტრამპმა და ჰარისმა 47-47 პროცენტი დააგროვეს ...