1 ნოემბერს ისრაელმა გააგრძელა საჰაერო დარტყმები ღაზის სექტორზე, რასაც 60 ადამიანი ემსხვერპლა ბოლო 24 საათის განმავალობაში, იტყობინება სააგენტო Reuters-ი, ადგილობრივ ექიმებზე დაყრდნობით. 1 ნოემბერს ისრაელის არმიამ ცეცხლი დაუშინა ლიბანის დედაქალაქ ბეირუთის სამხრეთ არეალებს. ამ დროს აშშ-ის მეთაურობით დიპლომატიური მცდელობა, შეწყდეს ცეცხლი, ძნელად მიიწევს წინ. ლიბანის პრემიერ-მინისტრმა, ნაჯიბ მიკატიმ ბრალად დასდო ისრაელს „სიჯიუტეში“ მოლაპარაკებაზე, ხოლო ისრაელის პრემიერ-მინისტრმა, ბენიამინ ნეთანიაჰუმ განაცხადა, რომ მისთვის პრიორიტეტია უსაფრთხოების უზრუნველყოფა „მიუხედავად ყოველგვარი ზეწოლისა და შეზღუდვისა“. ისრაელი ღაზის სექტორში, მის თანახმად, იბრძვის იმ მიზნით, რომ გაანადგუროს აშშ-სა და ევროკავშირში ტერორისტულად მიჩნეული დაჯგუფება ჰამასი. სამხედრო ოპერაცია ლიბანში კი წამოიწყო იმ მიზნით, რომ გაანადგუროს ჰეზბოლას ინფრასტრუქტურა, დაჯგუფებისა, რომელიც ლიბანის სამხრეთს აკონტროლებს და რომლის პოლიტიკური ფრთის წევრები ლიბანის პარლამენტის წევრები არიან. ეს დაჯგუფება ტერორისტულად არის შერაცხილი აშშ-ში, ხოლო ევროკავშირი ტერორისტულად მის მხოლოდ სამხედრო ფრთას მიიჩნევს. მათ წინააღმდეგ საომარ მოქმედებს ისრაელი განაგრძობს მიუხედავად ვაშინგტონის მცდელობისა, მიაღწიოს ცეცხლის შეწყვეტას ორივე ფრონტზე აშშ-ის საპრეზიდენტო არჩევნების წინა პერიოდში. აშშ-ში 47-ე პრეზიდენტს 5 ნოემბერს აირჩევენ. ასევე ნახეთ ისრაელის მხრიდან ევაკუაციის ბრძანების გაცემის შემდეგ დაიბომბა ბეირუთის სამხრეთი ...