როგორც რადიო თავისუფლების მოლდოვური სამსახური წერს, ადგილობრივი დროით 07:00 საათზე ქვეყნის ყველა საარჩევნო უბანმა დაიწყო მუშაობა. წინასაარჩევნო პერიოდი გამოირჩეოდა დაძაბული ატმოსფეროთი: ათობით ჩხრეკითა და დაკავებით, რომლებიც დაკავშირებულია საარჩევნო კორუფციასთან და დესტაბილიზაციის მცდელობებთან. საპრეზიდენტო არჩევნების პირველ ტურში მოქმედმა პრეზიდენტმა მაია სანდუმ ხმების 42,45% მიიღო, ხოლო ყოფილმა გენერალურმა პროკურორმა ალექსანდრუ სტოიანოგლომ - 25,98%. ასევე ნახეთ როგორ ემზადება მოლდოვა საპრეზიდენტო არჩევნების მეორე ტურისთვის 3 ნოემბრის არჩევნებისთვის გაიხსნა 2218 საარჩევნო უბანი როგორც ქვეყნის შიგნით, ისე მის ფარგლებს გარეთ. სპეციალისტები ვარაუდობენ, რომ კენჭისყრაში მონაწილეობას მიიღებს ხმის მიცემის უფლების მქონე 3,3 მილიონამდე მოქალაქე. 20 ოქტომბერს კენჭისყრის პირველ ტურში მონაწილეობა მიიღო 1,5 მილიონზე მეტმა ამომრჩეველმა, მათ შორის 240 ათასზე მეტმა დიასპორის წარმომადგენელმა. მაია სანდუმ პირველად სახელი გაითქვა 2012 წელს, როდესაც ქვეყნის განათლების მინისტრის თანამდებობაზე იმყოფებოდა. 2016 წელს საპრეზიდენტო კანდიდატად წარუმატებელი წარდგენიდან სამი წლის შემდეგ, მან მცირე ხნით დაიკავა პრემიერ-მინისტრის პოსტი, იმის წყალობით, რომ მისი პარტია მოლდოვის სოციალისტური პარტიის (PSRM) მოკავშირე გახდა. როგორც პრეზიდენტმა, სანდუმ მნიშვნელოვანი როლი ითამაშა იმაში, რომ 2022 წლის ივნისში ქვეყანამ ევროკავშირში გასაწევრიანებლად კანდიდატის სტატუსი მიიღო. განსაკუთრებით, რამდენიმე თვით ადრე უკრაინაში რუსეთის სრულმასშტაბიანი შეჭრის ფონზე. ალექსანდრუ სტოიანოგლოს წარსულმა გამოცდილებამ, როგორც მოლდოვის გენერალური პროკურორისა 2019-2021 წლებში, მნიშვნელოვანი გავლენა მოახდინა მისი საპრეზიდენტო კამპანიის ბიძგზე: სამართლიანობაზე. 57 წლის კანდიდატმა პირობა დადო, რომ თუ პრეზიდენტი გახდება, "ცილისწამებაზე კანონის გამარჯვებას" უზრუნველყოფს. გენერალური პროკურორის თანამდებობაზე ყოფნისას, სტოიანოგლო ფართოდ გააკრიტიკეს იმის გამო, რომ ვერ უზრუნველყო მაღალი დონის კორუფციასთან ბრძოლა. განსაკუთრებით აღსანიშნავია, რომ მას ბრალი უმოქმედობაში ედება ოლიგარქის, ვეჩესლავ პლატონის საქმეში, რომელიც მონაწილეობდა ქვეყნის ბანკებიდან დაახლოებით 1 მილიარდი დოლარის გაუჩინარებაში, და შორის საქმეში, რომელიც კამერამ დააფიქსირა მაშინ, როდესაც საეჭვო ჩანთა გადასცა PRSM-ის ლიდერსა და ყოფილ პრეზიდენტს იგორ დოდონს. ასევე ნახეთ ორი კანდიდატი, რომლებიც მოლდოვის პრეზიდენტობისთვის იბრძვიან ...