მათი შეფასებით: ცესკომ არ შეასრულა დაპირება ბიულეტენების ხარისხიან ფურცელზე ბეჭდვის შესახებ, რამაც დაარღვია ხმის ფარულობა; კომისიის წევრებს შორის ფუნქციები გადანაწილდა არჩევნებამდე ერთი კვირით ადრე, რამაც გაამარტივა მათზე ზეწოლის მოხდენის შესაძლებლობა; საარჩევნო უბნებზე ვერიფიკაციისთვის განკუთვნილი მაგიდები კედლებთან იყო მიბჯენილი, რაც ართულებდა პროცესზე დაკვირვებას; ცესკოს გადაწყვეტილებამ, არ გაეხსნა საზღვარგარეთ დამატებითი უბნები, მმართველ პარტიას შესაძლებლობა მისცა, საზღვარგარეთ მყოფი ადამიანების ნაცვლად სხვა ადამიანების მონაცემების გადაცემით მიეღო ხმები; საზღვარგარეთ შექმნილ უბნებზე პროცესის გაუმართაობის გამო ამომრჩევლების ნაწილმა ხმა ვერ მისცა; კოალიცია მედიასაშუალებების და პარტიების გავრცელებულ ინფორმაციაზე დაყრდნობით აცხადებს, რომ საუბნო კომისიის წვერებად და თავმჯდომარეებად „ქართული ოცნების“ წარმომადგენლების ოჯახების წევრები დაინიშნნენ; სხვისი პირადობის მოწმობებით და სხვისი პირადი ნომრებით ხმის მიცემის, ვერიფიკაციის პროცესის გაუმართაობის, მარკირების პროცედურების დარღვევის, მარკირების სითხისა და ფანრის გაუმართაობის, სადამკვირვებლო ორგანიზაციების წარმომადგენლებზე ძალადობის ფაქტებზე ცესკოს თავმჯდომარე არ რეაგირებდა. კოალიცია აცხადებს, რომ მათ მიერ გამოვლენილი დარღვევებით იკვეთება სისხლის სამართლის დანაშაულის ნიშნები. უფრო ზუსტად: 342-ე მუხლი - სამსახურებრივი გულგრილობა; 332 - სამსახურებრივი უფლებამოსილების ბოროტად გამოყენება; 162 - არჩევნებში ნების განხორციელებისთვის ხელის შეშლა; 164 - ხმის მიცემის ფარულობის დარღვევა; 164 სეკუნდა - ყალბი დოკუმენტის საფუძველზე არჩევნებში მონაწილეობა; 164 ტერცია - არჩევნების გაყალბება; 164 (4) - ამომრჩევლის ნებაზე ზეგავლენა. „ამიტომ, მივმართავთ პროკურატურას, დაიწყოს გამოძიება ცესკოს წარმომადგენელთა მიერ სამოხელეო დანაშაულის ჩადენის ფაქტზე“, - აღნიშნავენ კოალიციაში. ოპოზიციურმა პარტიებმა და საქართველოს პრეზიდენტმა საპარლამენტო არჩევნების შედეგი გაყალბებულად გამოაცხადეს, არ აღიარეს და მოითხოვეს ახალი არჩევნები, რომელსაც ჩაატარებს საერთაშორისო საარჩევნო ადმინისტრაცია. ამ არჩევნებზე მოსახლეობის 90-მა პროცენტმა ხმა ელექტრონული სისტემების გამოყენებით მისცა. ცესკოს წინასწარი მონაცემებით, „ქართული ოცნება“ ხელისუფლებაში რჩება მეოთხე ვადით. საქართველოს პროკურატურამ საპარლამენტო არჩევნების სავარაუდო გაყალბების ფაქტზე გამოძიება ცენტრალური საარჩევნო კომისიის მიმართვის საფუძველზე დაიწყო. ამ საქმეზე პრეზიდენტი გამოკითხვაზე დაიბარეს. ასევე ნახეთ პრეზიდენტი გამოკითხვაზეა დაბარებული - პროკურატურამ არჩევნების სავარაუდო გაყალბებაზე გამოძიება დაიწყო პროკურატურაში დაბარების პასუხად, სალომე ზურაბიშვილმა ადმინისტრაციაში ...