იუსტიციის უმაღლესი საბჭოს ვებგვერდის თანახმად, 2021 წლის ივნისიდან იგი თეთრიწყაროს სასამართლოს მაგისტრატი მოსამართლე იყო წალკის მუნიციპალიტეტში. 2004-2011 წლებში კი ხუჭუა საქართველოს პროკურატურაში სხვადასხვა თანამდებობას იკავებდა. გარდა ამისა, მინიჭებული აქვს იუსტიციის მრჩევლის სახელმწიფო სპეციალური წოდება, ხოლო 2006 წელს დაჯილდოვდა ღირსების ორდენით. ორგანიზაცია "სასამართლოს გუშაგის" ცნობით, მოსამართლე ხუჭუას საკვალიფიკაციო გამოცდა სისხლის სამართლის სპეციალიზაციით აქვს ჩაბარებული, თუმცა თეთრიწყაროს რაიონულ სასამართლოში სისხლის საქმეებთან ერთად სამოქალაქო სამართლის საქმეებსაც განიხილავს. ვლადიმერ ხუჭუა, ასევე ნახსენებია არასამთავრობო ორგანიზაცია IDFI-ის მიერ გამოქვეყნებულ კვლევაში სახელწოდებით, "მოსამართლეების მიერ მიღებული ძვირადღირებული საჩუქრები". კვლევის თანახმად, 2022 წელს, მოსამართლის ცოლმა, ელზა გურგენიძემ მამისგან საჩუქრად 50 ათასი აშშ დოლარი მიიღო. რა გადაწყვეტილება მიიღო ვლადიმერ ხუჭუამ 4 ნოემბერს? მოსამართლე ვლადიმერ ხუჭუამ 26 ოქტომბრის საპარლამენტო არჩევნებზე ორ ოლქში ხმის ფარულობის დარღვევა დაადასტურა. ამ გადაწყვეტილებით, მან არასამთავრობო ორგანიზაცია "ახალგაზრდა იურისტთა ასოციაციის" სარჩელი დააკმაყოფილა და წალკისა და თეთრიწყაროს ოლქებში შემავალი რამდენიმე ელექტრონული უბნის შედეგები გააბათილა. "დღეს ჩვენ განვიხილეთ საკითხი ფარულობასთან დაკავშირებით. სასამართლოს ცალსახად და ერთმნიშვნელოვნად მიაჩნია, რომ მტკიცებულებების გამოკვლევით, ამ საარჩევნო აპარატით ამ საარჩევნო ბიულეტენით, ამ საარჩევნო ჩარჩო კონვერტით, ხმის დაცულობის და ხმის ფარულობის გარანტია ამომრჩეველს არ ჰქონდა. აქ ლაპარაკია გარანტიაზე", - განაცხადა მოსამართლე ვლადიმერ ხუჭუამ სხდომაზე. три მისივე სიტყვებით, წალკის საოლქო კომისიასთან მიმართებით, სასამართლომ დაადგინა, რომ "იყო უმძიმესი დარღვევები", როგორიცაა საჩივრის არგატარება შესაბამისი წესით, დადასტურდა, რომ იყო გარკვეული სახის მანიპულაციები, გარკვეული ხელშეშლა დამკვირვებლებზე: "სასამართლოს ცალსახად მიაჩნია, რომ ამგვარი დამოკიდებულება საარჩევნო პროცესზე არ არის თავისუფალი, შესაბამისად, შედეგები უნდა იქნას ბათილად ცნობილი". ორგანიზაცია "საიას" შეფასებით, მოსამართლის ამგვარი გადაწყვეტილება ახალ პრეცედენტს ქმნის ამომრჩევლის ხმის ფარულობის უფლების დაცვის მიმართულებით. ასევე ნახეთ თეთრიწყაროს სასამართლომ ხმის ფარულობის დარღვევა დაადასტურა საქმეს სააპელაციო სასამართლო 5 ნოემბერს, 15:00 საათზე განიხილავს. თეთრიწყაროს რაიონული სასამართლოს გადაწყვეტილებას გამოეხმაურა საქართველოს პრეზიდენტი, სალომე ზურაბიშვილი. მისი სიტყვებით, საქართველოში არაფერი გამოლევ...