ჩრდილოეთ კორეამ იაპონიის ზღვისკენ რამდენიმე მოკლე რადიუსის ბალისტიკური რაკეტა გაუშვა. ამის შესახებ საინფორმაციო სააგენტო “რენჰაპი” სამხრეთ კორეელ სამხედროებზე დაყრდნობით იუწყება. ეს არის ბალისტიკური რაკეტების მეორე გაშვება კორეის სახალხო დემოკრატიული რესპუბლიკის მხრიდან რამდენიმე დღეში. სამხრეთ კორეის გაერთიანებული შტაბის ცნობით, პირველი რაკეტის გაშვება ადგილობრივი დროით დაახლოებით 7:30 საათზე, ჩრდილოეთ ჰვანგჰეის დასავლეთ პროვინციის სარივონის ტერიტორიიდან დაფიქსირდა. რაკეტების რაოდენობა არ არის მითითებული. ტელეკომპანია NHK-ი, იაპონიის თავდაცვის სამინისტროს მონაცემებზე დაყრდნობით, იუწყება, რომ ჩრდილოეთ კორეიდან სულ მცირე შვიდი რაკეტა გაუშვეს. მათ 400 კილომეტრი იფრინეს, სანამ ზღვაში ჩავარდებოდნენ. ეს მოხდა აშშ-ის საპრეზიდენტო არჩევნების დღეს. ამავე დროს, ჩრდილოეთ კორეის ლიდერის კიმ ჩენ ირის დამ, კიმ ე ჩჟონმა განაცხადა, რომ კორეის დემოკრატიული რესპუბლიკა არ დაუშვებს ნახევარკუნძულზე სამხედრო ძალთა ბალანსის დარღვევას. "დღეს, კორეის ნახევარკუნძულზე და რეგიონში ჩვენსა და მტრებს შორის ძალთა პარიტეტის დარღვევა დაუყოვნებლივ ნიშნავს ომს, ეს არის ობიექტური რეალობა, რომლის უარყოფა შეუძლებელია", - თქვა კიმ ე ჩჟონმა, რომელიც კორეის მუშათა პარტიის ცენტრალური კომიტეტში, პროპაგანდის დეპარტამენტის უფროსის მოადგილის პოსტს იკავებს. 31 ოქტომბერს, აშშ-ის საპრეზიდენტო არჩევნებამდე რამდენიმე დღით ადრე, ჩრდილოეთ კორეამ იაპონიის ზღვაში საკონტინენტთაშორისო ბალისტიკური რაკეტა გაუშვა. კიმ ჩენ ინმა საცდელ სროლას “მტრებზე პასუხი” უწოდა. ჩრდილოეთ კორეის მიერ გასულ კვირაში საკონტინენტთაშორისო ბალისტიკური რაკეტის გაშვების პასუხად, 3 ნოემბერს სამხრეთ კორეის, შეერთებული შტატებისა და იაპონიის სამხედროებმა ჩაატარეს ერთობლივი საჰაერო წვრთნა, რომელშიც მონაწილეობდა მინიმუმ ერთი ამერიკული B-1B სტრატეგიული ბომბდამშენი. ასევე ნახეთ ჩრდილოეთი კორეა აცხადებს, რომ რუსეთს მხარს უჭერს უკრაინაში „გამარჯვების“ საქმეში ასევე ნახეთ ზელენსკის ცნობით, კურსკში უკვე იმყოფება 11000 ჩრდილოკორეელი სამხედრო ...