„ადმინისტრაციულ სამართალდარღვევათა კოდექსით“ არასათანადო რეკლამის განთავსება ისჯება ჯარიმით. „რეკლამის შესახებ“ კანონით არასათანადო რეკლამაა: არაკეთილსინდისიერი, არასარწმუნო, არაეთიკური, შეცდომაში შემყვანი ან სხვა რეკლამა, რომელშიც დარღვეულია მისი შინაარსის, დროის, ადგილის ან გავრცელების წესის შესახებ საქართველოს კანონმდებლობით დადგენილი მოთხოვნები. მუნიციპალური ინსპექციის თანამშრომლები ორგანიზაციის ოფისში დაახლოებით 15:00 საათზე მივიდნენ. უწყების თანამშრომლები ამბობდნენ, რომ ისინი ვალდებული არიან რეაგირება მოახდინონ. „საპროტესტო ბანერისთვის, რომელიც გვაქვს ჩვენი ოფისის აივანზე გადმოფენილი, გვედავებიან, რომ დავარღვიეთ კანონი. თან ზედამხედველობის სამსახური დაგვემუქრა: თუ არ ჩამოიხსნით ყოველდღე მოვალთ და დაგაკისრებთ ჯარიმასო“, - უთხრა რადიო თავისუფლებას „სამოქალაქო მოძრაობა თავისუფლებისთვის“ ხელმძღვანელმა ოთარ რევიშვილმა. ორგანიზაცია კოალიცია „ჩემი ხმის“ წევრია. რევიშვილი ამბობს, რომ ამ არჩევნებისთვის თავად ამ კოალიციამ აღმოაჩინა არაერთი დარღვევა, რომელიც „არჩევნების მოპარვაზე“ მიანიშნებს. ასევე ნახეთ „ჩემი ხმა“ პროკურატურას ცესკოს თანამშრომელთა წინააღმდეგ გამოძიების დაწყების მოთხოვნით მიმართავს ...